Genişmiqyaslı müharibə başlayandan bəri ilk dəfə ruslar Baxmutu ələ keçirmək ərəfəsindədirlər, lakin bu, onlara baha başa gələcək.
İntensiv artilleriya təzyiqi, minaatan atəşi, hava zərbələri, habelə Rusiya quru qoşunlarının əhəmiyyətli səyləri nəticəsində şəhərdə və onun ətrafında Ukrayna müdafiəsi “kiçilməkdədir”.
Keçmiş avstraliyalı general Mik Rayanın sözlərinə görə, Ukrayna Baxmutu müdafiə edərək bacardıqları hər şeyə nail olduqlarına qərar verə bilər və qüvvələrini sonrakı döyüşlər üçün saxlamaq üçün qoşunları geri çəkə bilər.
"Ancaq Ukrayna qoşunlarının çıxarılması nizamlı şəkildə həyata keçirilərsə, fəlakətə bərabər deyil. Buna fəlakətin xəbərçisi kimi deyil, ümumi taktika kimi yanaşmaq lazımdır", - Rayan vurğulayıb.
CNN onu da qeyd edir ki, “elə zaman gəlir ki, artan itkilərə və sarsıdıcı mənəvi zərbəyə məruz qalmaqdansa, geri çəkilmək daha müdrikdir”.
“Lakin ruslar üçün Baxmutun ələ keçirilməsi onların kampaniyasının əsas çatışmazlıqlarını dəyişməyəcək”, - deyə bildirilir.
Eyni zamanda, ruslar üçün başqa yerdə heç bir irəliləyiş olmadığı üçün Baxmut “obsessiyaya” çevrilib.
