Son iki il ərzində Çinin aparıcı nüvə silahı tədqiqat institutu illərlə qoyulan ixrac məhdudiyyətlərindən yan keçərək ABŞ-dan aktiv şəkildə kompüter çipləri alır. “The Wall Street Journal” yazır.
Qəzet ölkədə nüvə silahının hazırlanması və istehsalına cavabdeh olan yeganə təşkilat olan Çin Mühəndislik Fizika Akademiyasının sənədlərini öyrənib. Qurum 1997-ci ildən ABŞ-ın qara siyahısındadır. Eyni zamanda sənədlərə görə, 2020-ci ildən Intel Corp kimi Amerika şirkətlərinin istehsal etdiyi yarımkeçiriciləri alır.
Çiplər Çindəki resellerlərdən hesablama sistemləri üçün komponentlər kimi və ya hesablama mayelərinin dinamikası ilə məşğul olan institutun laboratoriyasının ehtiyacları üçün alınıb.
WSJ institutun son on ildə dərc etdiyi elmi məqalələri nəzərdən keçirib. Ən azı 34 məqalədə Amerika çiplərindən istifadə edilən araşdırmalar təsvir edilmişdir. Nəşrin müsahibə verdiyi nüvə ekspertləri hesab edirlər ki, yeddi məqalədəki tapıntılar nüvə arsenalının saxlanmasında faydalı ola bilər. Çin Mühəndislik Fizika Akademiyası qəzetin sorğusuna cavab verməyib.
