Hindistanın Səhiyyə Nazirliyi “Covid” peyvəndi məlumat bazasından şəxsi məlumatların sızması ilə bağlı xəbərləri təkzib edib.
Hafta.az-ın yazdığına görə, açıqlamada "bu cür xəbərlərin heç bir əsası yoxdur və böhtan xarakteri daşıyır" deyilsə də, məsələ ilə bağlı rəsmi araşdırma aparılmasına göstəriş verildiyi qeyd olunub.
Bildirək ki, Səhiyyə Nazirliyinin CoWin məlumat bazasında milyonlarla insanın şəxsi məlumatları var.
Elektronika və Texnologiyalar naziri Raciv Çandrasexar Twitter-də bir bəyanat yayaraq, ilkin araşdırmanın artıq CoWin məlumatlarının sızması olduğunu göstərdiyini söyləyib. O, Hindistan Kompüter Təcili Yardım Qrupunun (IndianCert) ilk araşdırmalarının, “Covid” peyvəndi verilənlər bazasından "əvvəllər pozulmuş və ya oğurlanmış" milyonlarla hindlinin məlumatlarının əlçatan olduğunu aşkar etdiyini söyləyib.
Hindistanın yerli media orqanı ilk dəfə Telegram botunun Kerala ştatının cənubundakı tanınmış siyasətçilər haqqında məlumatı necə ifşa etdiyini göstərən YouTube videosunda bəhs olunan sızma barədə məlumat yayıb.
“The Malayalam” media orqanı doğum tarixi, “Covid” peyvəndinin qeydiyyatı üçün istifadə olunan şəxsiyyət sənədi, ilk dozanın alındığı yer, cins və telefon, fərdlərin sayı kimi şəxsi məlumatları necə əldə etməyin mümkün olduğunu göstərib. Daha sonra digər xəbər agentlikləri botu yoxlayıblar və əldə etdikləri tanınmış şəxslərin şəxsi məlumatlarının həqiqətən də doğru olduğunu təsdiqləyiblər.
Bu arada, artıq bu bota daxil olmaq mümkün deyil.
Telegram sözçüsü BBC-yə bildirib ki, bu cür botlar platformanın xidmət şərtlərini pozur. "Telegram”ın moderatorları razılıq olmadan dərc edilən şəxsi məlumatları müntəzəm olaraq silirlər, eynilə bu botda olduğu kimi", - o deyib.
Rəqəmsal şəxsiyyət eksperti Srikanth Lakşman, bota aktiv olmamışdan əvvəl daxil olmuş, həm azyaşlılar, həm də böyüklər ilə bağlı məlumatların mövcud olduğunu söyləyib.
Xatırladaq ki, 2021-ci ilin iyun ayında CoWin portalının sındırıldığı və nəticədə 150 milyon hindistanlıya aid məlumatların satıldığı iddiaları var idi. Hindistan hökuməti bunun baş verdiyini təkzib edib.
Ötən ilin yanvarında, məlumatların pozulması ilə bağlı oxşar hesabatlar ortaya çıxanda, Milli Səhiyyə Təşkilatının rəhbəri Ram Sevak Şarma, məlumat bazasının "təhlükəsiz" olduğunu söyləmişdi.
