Alman Xərçəng Araşdırma Mərkəzinin tədqiqatçıları D vitamini qəbulunun xərçəng ölümlərini azalda biləcəyini müəyyən ediblər. Araşdırma "Aging Research Reviews" jurnalında dərc olunub.
Tədqiqatçılar Almaniya Xərçəng Araşdırma Mərkəzində aparılan 14 tədqiqatın məlumatlarını təhlil ediblər və bu araşdırmalar birlikdə təxminən 105 000 insanı əhatə edib. D3 vitamininin aşağı dozada gündəlik qəbulu ilə xərçəngdən ölüm 12% azalıb. Bu təsir həm defisiti olan, həm də çatışmazlığı olmayan şəxslərdə müşahidə edilmişdir. Eyni zamanda uzun fasilələrlə qəbul edilən yüksək dozada vitamin D3 xərçəngdən ölüm hallarına heç bir təsir göstərməmişdir.
Təsiri kolorektal xərçəngi olan xəstələrdə xüsusilə nəzərə çarpırdı: 59% -də D3 vitamini çatışmazlığı var idi ki, bu da pis proqnozla əlaqələndirilirdi.
Tədqiqatçılar ölüm hallarının azalmasının orqanizmdə D3 vitaminindən sintez olunan və ehtimal ki, şişin böyüməsinə mane ola bilən kalsitriol hormonunun istehsalı ilə əlaqədar olduğunu irəli sürürlər.
Gündəlik qəbulla bağlı araşdırmaların daha ətraflı təhlili də göstərdi ki, 70 yaş və daha yuxarı insanlar D3 vitamini terapiyasından ən çox faydalanırlar. Bundan əlavə, təsir xərçəng aşkarlanmadan əvvəl D vitamini əlavəsinə başlandıqda daha aydın görünürdü.
