Estoniyanın müdafiə naziri Hanno Pevkur müharibə zamanı Müdafiə Qüvvələrinin sayının demək olar ki, iki dəfə artırılmasını təklif edib. Bu barədə ERR məlumat yayıb.
Bu günə qədər müharibə dövrü strukturuna 26 700 hərbi qulluqçu daxildir. Yeni heyət 43 700 döyüşçü olacaq.
"Müharibə vaxtı şəxsi heyətin artırılmasında məqsəd müdafiə qüvvələrinin hər bir mövcud və yeni imkanlarının kifayət qədər sayda müdafiəçi ilə əhatə olunmasını təmin etməkdir", - Estoniya Müdafiə Nazirliyinin mətbuat xidməti qeyd edib.
Xüsusilə, quru qoşunlarının 10 500 döyüşçü və “birinci sıra” ehtiyatı üçün daha 4 000 nəfər artırılması planlaşdırılır. Xüsusilə tank əleyhinə və hava hücumundan müdafiəyə yönəldilməsi planlaşdırılır.
Qeyd olunur ki, Estoniya ordusunun sayının müharibə gücünə artırılması ehtiyatda olanlar hesabına səfərbərlik elan edildikdən sonra baş verir. Beləliklə, müharibə dövrü tərkibinin yuxarı həddi həm də hökumətin növbəti əmrlərini gözləmədən, hərbi vəziyyət elan edilən zaman müdafiə qoşunları komandirinin sərəncamında nə qədər qüvvəyə malik olacağını müəyyən edir.
