Hindistanda qarşıdan gələn ümumi seçkilərdə 26 partiya birləşərək baş nazir Narendra Modiyə qarşı ittifaq yaradıb.
Hafta.az-ın yazdığına görə, müxalif alyansın adı ingilis dilində "HİNDİSTAN" kimi qısaldılmış Hindistan Milli İnkişafı İnklüziv Alyansı olaraq təyin olunub.
"Respublikamızın reputasiyası BJP partiyası tərəfindən sistematik hücuma məruz qalır və Hindistan konstitusiyasının əsasları, dünyəvi, demokratik, iqtisadi suverenlik, sosial ədalət və federalizm metodik və vəhşicəsinə sarsıdılır", - tərəflərin birgə bəyanatında deyilir.
Hindistan Milli Konqres Partiyasının sədri Mallikarjun Xarge Benqalurda keçirilən toplantıda eyni ideyalı 26 partiyanın bir araya gəlməsinin böyük uğur olduğunu vurğulayaraq, alyansın növbəti toplantısının ölkənin maliyyə paytaxtı Mumbay olacağını bildirib.
Alyansın “ölkə demokratiyasını və konstitusiyasını xilas etmək üçün” qurulduğuna işarə edən Xarge birləşməni işsizlik, inflyasiya və ölkənin digər mühüm problemlərinə qarşı mübarizə kimi qiymətləndirib.
Qərbi Benqaliyanın baş naziri Mamata Banerji kasta sistemində demək olar ki, heç bir hüququ olmayan və ölkənin ən aşağı təbəqəsini təmsil edən Dalitlər və digər azlıqların təhlükə altında olduğunu bildirib.
2019-cu ildə BJP 543 üzvlü federal parlamentin aşağı palatası olan Xalq Assambleyasında (Lok Sabha) 300 yer qazanaraq seçkiləri başa vurub.
Hindistanda növbəti ümumi seçkilər 2024-cü ildə keçiriləcək.
