Hindistanın şimalındakı Uttar Pradeş ştatının Bijnor şəhərində polisin evə basqını zamanı ev sahibəsi 55 yaşlı qadın həyatını itirib. Polis qadının mal əti gizlətdiyini yoxlamaq üçün ona basqın edib və məlum olub ki, onda mal əti yoxdur.
Hafta.az-ın yazdığına görə, Uttar Pradeşdə inək kəsilməsinə qarşı sərt qanunlar mövcuddur. Qanunun pozulmasına görə 10 ilə qədər həbs və 500 min Hindistan rupisinə qədər cərimələr nəzərdə tutulub. Ştatın inək kəsimi qanunu təkcə heyvanın öldürülməsini deyil, həm də satışı və daşınmasını əhatə edir.
Hindistan əhalisinin əksəriyyətini təşkil edən hindular inəyi müqəddəs hesab edir və ona sitayiş edirlər.
Məlumata görə, polis Raziyanın mal əti gizlətməsi barədə məlumat verəndən sonra Bicnorun Xətay kəndindəki evinə dörd məmur göndərib. Lakin polis heç bir mal əti tapmayıb.
Adı məlum olan Raziyanın ailəsi polis əməkdaşlarının evinə basqın etdiyi zaman onun qorxduğunu iddia edib. Lakin polis Raziyanın astma tutmasından öldüyünü, onun ölümünün mal əti basqını ilə əlaqəsi olmadığını bildirib.
Yerli polis məmuru Cay Bhagvan Singh, "Raziya astma xəstəliyindən əziyyət çəkirdi və son bir neçə ildə bu xəstəlikdən müalicə alırdı" deyib.
Keçmişdə müsəlman azlığın üzvləri hindu dəstələri tərəfindən sırf inək kəsimi şübhəsi ilə hücuma məruz qalıb.
Mətbuatda Nəsim adı ilə hallanan Raziyanın oğlu deyib ki, polis evdəki qadınlarla pis rəftar etdiyi üçün anası panik atakdan ölüb. "Hökumətin qadağan etdiyi heç nəyi gizlətmədiyimizi desək də, evi alt-üst etdilər. Polisin davranışı ucbatından anam panik atak keçirdi. Təcili olaraq onu yerli klinikaya apardıq, həkim dedi ki, anam artıq vəfat edib”, – Nəsim bildirib.
Siyasi liderlər, o cümlədən yerli məclis üzvü Manoj Kumar Paras yerli polisə qarşı tədbir görməyə çağırıb.
İyunda qonşu Madhya Pradesh əyalətində səlahiyyətlilər, iddiaya görə, soyuducularında mal əti və bağlarında inək tapdıqları üçün 11 nəfərin evlərini buldozerlə dağıdıblar. Lakin polis heç bir sübut təqdim etməyib və bildirib ki, evlər qanunsuz tikildiyi üçün sökülüb.
Hindistanın bir sıra ştatları inəklərin kəsilməsinə qarşı qanunlar qəbul edib və müxaliflər qanunların qeyri-mütənasib olaraq dövlət və kütlə zorakılığı, əmlakın məhv edilməsi ilə üzləşən müsəlmanları hədəf aldığını deyirlər.
Keçən il sağçı hindu Mahasabha qrupunun dörd üzvü Uttar Pradeşdə müsəlman kişiləri yalandan ittihamlamaq üçün inək kəsmək iddialarına görə həbs edilmişdi. Həbslər polis qruplaşmanın müsəlman kişilərə qarşı inək kəsimi iddiası ilə saxta cinayət şikayətində iştirak etdiyini aşkarlandıqdan sonra baş verib.
