Səudiyyə Ərəbistanının kralı Salman bin Əbdüləziz və vəliəhd şahzadə Məhəmməd bin Salman Jood Housing platforması ilə əlaqəli Jood Eskan Kampaniyasına ümumi məbləği 150 milyon rial (40 milyon dollar) olan iki böyük ianə ediblər.
Hafta.az-ın yazdığına görə, bu töhfə ölkə liderlərinin Səudiyyə Ərəbistanında ən ehtiyaclı ailələrin mənzillə təmininə yönəlmiş mənzil proqramlarına, milli səylərə və təşəbbüslərə verdiyi dəstək çərçivəsində gəlir.
Səudiyyə Ərəbistanının bələdiyyə, kənd işləri və mənzil-tikinti naziri Məcid əl-Hüqeyl Kral Salmanın 100 milyon rial, vəliəhdin isə 50 milyon rial ianə verməsini yüksək qiymətləndirib.
Jood Eskan kampaniyası aztəminatlı ailələri mənzillə təmin etmək məqsədi daşıyır və ən çox ehtiyacı olanları dəstəkləmək üçün xeyriyyəçilərin və qurumların xeyriyyə təkliflərini səfərbər etməyə yönəlib.
Nazir qeyd edib ki, Kral Salman və vəliəhd şahzadənin ianələri cəmiyyət üzvləri, eləcə də hökumət, özəl və qeyri-kommersiya qurumlarının iştirak etdiyi milli icma təşəbbüslərinə marağın davamıdır.
O əlavə edib ki, cəmiyyətin töhfələri ilə ən çox ehtiyacı olan ailələrə 10 mindən çox ev verilməsini hədəfləyən Jood Eskan Kampaniyası məqsədlərinə çatacaq.
