Yazını böyüt
Yazını kiçilt
Amerika Kosmik Agentliyi NASA noyabrın 16-da səhər saatlarında “Orion” kosmik gəmisi ilə birlikdə super ağır daşıyıcı SLS (Space Launch System) daşıyıcısını Aya göndərib.
Raket Floridadakı Kennedi Kosmik Mərkəzindən yerli vaxtla saat 1:04-də havaya qalxıb. Əvvəllər texniki problemlərə görə buraxılış bir neçə dəfə təxirə salınmışdı.
SLS və Orion-un buraxılması Artemis 1 (Artemis-1) missiyasının bir hissəsidir. Kosmik gəmi pilotsuz sınaq rejimində Aya uçmalı, orbitində bir neçə həftə qalaraq Yerə qayıtmalıdır.
2024-cü ildə dörd astronavtın Ay ətrafında uçacağı Artemis 2 missiyası baş tutmalıdır. Artemis-3 missiyası 2025-ci ilə planlaşdırılıb və bu müddət ərzində astronavtlar Ayın səthinə enməli olacaqlar.
