İslamabad məhkəməsi insan haqları üzrə vəkil İman Məzari və keçmiş hüquq müdafiəçisi Əli Vəzirin "dövlət işlərinə müdaxilə" iddiası ilə saxlanmasına qərar verib.
Hafta.az-ın “Dunyanews.tv”yə istinadən yazdığına görə, İslamabad polisi bazar gününün səhər saatlarında İman və Vəziri dövlət işlərinə qarışmaqda ittihamlayaraq ayrı-ayrılıqda həbs edib. Hər iki şəxs sonradan Terrorla Mübarizə Aktı ilə qeydiyyata alınıb.
İmanın qanuni nümayəndəsi müsadirə edilmiş mobil telefonunun və digər şəxsi əşyalarının geri qaytarılması üçün vəsatət qaldırıb. Cavab olaraq, məhkəmə Tarnol Polis Bölməsinin Müdirindən (SHO) məsələ ilə bağlı hesabat verməsini istəyib.
Məhkəmə Əli Vəziri terror işi ilə bağlı bir sutka müddətinə polis nəzarətində saxlamağa, İman isə bu işə görə qadın polis idarəsində qalmasına qərar verib. Məhkəmə polisə vəkilin terror işində fiziki həbsinə qərar veriləcəyi ertəsi gün antiterror məhkəməsinə təqdim etməyi tapşırıb.
İslamabad Polisi sosial mediada yayımlanan bir yazıda, "Hər iki təqsirləndirilən şəxs istintaq üçün İslamabad polisi tərəfindən axtarılıb və bütün hərəkətlər qanuna uyğun olacaq" deyib.
İmanın anası və Pakistan Təhrike-İnsafın (PTI) keçmiş lideri Şirin Məzari İslamabad rayon məhkəməsində jurnalistlərə müraciət edib. O, deyib ki, mülki geyimli şəxslər iqamətgahlarına zorla daxil olmamışdan əvvəl öz mühafizəçilərini qarovul otağında saxlayıblar. O bildirib ki, əməliyyatda təxminən 20 nəfərin iştirak edib, otağında axtarış aparıb və telefonunu müsadirə ediblər. Şirin Məzari hadisə zamanı onların qapısının niyə sındırılması ilə bağlı narahatlığını bildirib.
Şirin Məzari başqa bir açıqlamada bildirib ki, qadınların da olduğu mülki geyimlilər qızı İman Məzarini “oğurlayıblar”.
“Qadın polislər, mülki geyimlilər və mühafizəçilər qapımızı sındırdıqdan sonra qızımı apardılar. Təhlükəsizlik kameralarımızı, onun noutbukunu və mobil telefonunu götürüblər. Kimin üçün gəldiklərini soruşduq, İmanı dartıb çıxardılar. Evin hər tərəfini axtardılar. Qızım gecə paltarında idi və dedi ki, qoy dəyişim, ancaq imkan vermədilər. Təbii ki, heç bir zəmanət və ya hər hansı hüquqi prosedur yoxdur. Bu sadəcə dövlət faşizmidir. Unutmayın ki, biz evdə cəmi 2 qadın yaşayırıq. Bu, sözün əsl mənasında insan oğurluğudur”, - Məzari öz X və Facebook postlarında yazıb.
