Rus onkoloq və uroloq Dr. Mixail Stranadko bildirib ki, orqanizmdə piy toxumasının artması qan dövranının pisləşməsinə gətirib çıxarır, bu da sonradan prostat xərçənginə səbəb ola bilər.
Hafta.az-ın Riamo.ru internet saytına istinadən yazdığına görə, Stranadko bədəndəki yağ toxumasının artmasının verdiyi zərəri bu sözlərlə izah edir: “Orqanizmdə yağ toxumasının artması qan dövranının zəifləməsinə səbəb olur. Nəticədə hüceyrələr oksigen aclığından əziyyət çəkir, bu da onların bəzilərinin ölümünə və kimyakin reaksiyalarına səbəb olur. Bununla da immun nəzarət mexanizmlərinin pozulması başlayır və prostat xərçənginin inkişafı sürətlənir".
Rusiyalı mütəxəssis: "Prostat əzələ vəzili orqandır. Sübut olunub ki, xərçəng prostatın androgendən asılı epitel hüceyrələrindən əmələ gəlir ki, bu da piylənmə zamanı toxumaların insulinə həssaslığının azalmasına, nəticədə onun artmasına səbəb olur. Bədxassəli şişlərin inkişafında mühüm rol oynayan insulinə bənzər böyümə faktorların sintezini və istehsalını aktivləşdirməyə kömək edir. Başqa sözlə, piylənmə, infeksiyalar və prostat xərçəngi bir-biri ilə sıx bağlıdır. Çəki saxlamaq və izləməklə qurulan sağlam həyat tərzi prostat vəzi xərçənginin inkişafının qarşısının alınmasında mühüm rol oynayır”.
Bu çərçivədə xəbərdarlıq edən Stranadko, "Artıq çəki orqanizmdə metabolik pozğunluqların ən böyük səbəbidir və onun yayılması son illər əhəmiyyətli dərəcədə artıb. Disbalansın əsas səbəbləri ətraf mühitin çirklənməsi, qeyri-sağlam qidalanma və fiziki fəaliyyətin olmamasıdır. Müntəzəm fiziki fəaliyyət aktivlik, balanslı bəslənmə və bir həkimə müraciət piylənmə, infeksiya və prostat xərçəngi riskini azaltmağa köməkçi ola bilər" deyib.
