“Forbes”ə rəqib olaraq Çinin Hurun Araşdırma İnstitutu “Qlobal Zənginlər Siyahısı” reytinqini dərc edib.
Hafta.az-ın yazdığına görə, siyahıya əsasən Hindistanın Mumbay şəhəri milyarderlərin sayına görə Çinin paytaxtı Pekini geridə qoyub, Nyu-York və Londondan sonra dünyada üçüncü yerə yüksəlib. Çinli tədqiqatçıların fikrincə, ötən il Rusiyaya könüllü olaraq daha 6 dollar milyarder əlavə edilib və bu, Rusiyaya 76 milyarderlə yeddinci yerdə qalmağa imkan verib.
Reytinq müəllifləri onu da qeyd edirlər ki, “milyarderlərin mühacirəti” artmaqdadır. Bunun üçün ən çox üstünlük verilən ölkələr ABŞ, İngiltərə, İsveçrə və Sinqapurdur.
Araşdırmaya görə, ötən il dünya üzrə dollar milyarderlərinin sayı 167 nəfər artaraq ümumilikdə 3279 nəfərə çatıb.
Milyarderlərin ümumi sərvəti 9 faiz artaraq 15 trilyon dollara yüksəlib.
Çində dollar milyarderlərinin sayı 155 nəfər azalaraq 814-ə düşüb. Bununla belə, Hurun reytinqində Çin milyarderlərin sayına görə dünyada birinci yeri qoruyub. İkinci yerdə 800 milyarderlə ABŞ qalıb. Hindistanda 271, Böyük Britaniyada 146, Almaniyada 140 dollar milyarder var.
76 milyarderlə Rusiya Hurun reytinqində İsveçrədən (106 milyarder) sonra yeddinci yerdədir. Rusiya milyarderlərinin böyük hissəsi metallurgiya və mədənçıxarma (17 nəfər), energetika (9 nəfər) və kimya sənayesi, investisiyalar və daşınmaz əmlak (hər biri 7 nəfər) kimi sektorlarda fəaldır.
Moskva iki yeni milyarder və ümumilikdə 59 nəfərlə dünyanın ən çox milyarderlərinin olduğu ilk on şəhər arasında yerini qoruyub. Nyu-York birinci (119, +14), London isə ikinci (97, +10) olub. Bununla belə, Pekin üçüncü yeri Hindistanın Mumbay şəhərinə uduzaraq 4-cü yerə düşüb.
