Rusiya və Pakistan Şimali Kipr Türk Respublikasında (KKTC) konsulluq açmağa hazırlaşır.
Hafta.az-ın yazdığına görə, bu barədə Yunanıstanda yayımlanan "Kathimerini" qəzeti məlumat dərc edib. Qəzet yazıb ki, Rusiyanın Xarici İşlər naziri Sergey Lavrovun ötən aylarda etdi bir çıxışda KKTC-dən söz açıb və ikitərəfli əlaqələrin qurulmasından bəhs edib. Bu da yunan Kiprində ciddi narahatlıq yaradıb.
"Rəsmi Moskva ötən ilin yanvar ayından etibarən KKTC-də konsulluq ofisi açma fikrinə düşüb. Hətta bu müstəvidə yunan tərəfinə məlumat verilib, prosesi anlayışla qəbul etmələri istənilib", - qeyd edən qəzet baş verənlərin Ukraynadakı müharibəylə və ya yunan Kiprinin sanksiyalara qoşulmasıyla birbaşa əlaqəsinin olmadığını yazır.
Qəzet bildirir ki, Rusiyanın konsulluq açmaq istədiyi KKTC-də 15 Rusiya vətəndaşına xidmət etməyi düşünür. Hazırda Rusiya konsulluq açmaq üçün KKTC-də uyğun bina arayır və çalışacaq personal yığır.
Qəzet ayrıca, Pakistanın da bu il ərzində KKTC-də təmsilçilik aça biləcəyini qeyd edib.
