Səfirlik İrana getmək istəyənlər üçün qaydaları açıqlayıb

16:55 26.10.2021 Müəllif:Vüsal Tağıbəyli
Yazını böyüt
Yazını kiçilt

İranda koronavirus epidemiyasının əhəmiyyətli dərəcədə nəzarətə götürüləndən və qarşısı alınandan sonra - 23 oktyabr 2021-ci il tarixindən etibarən Azərbaycan vətəndaşlarının bu ölkənin hava və quru sərhədlərindən (Astara, Biləsuvar, Culfa və Poldəşt) giriş-çıxışı əvvəlcədən icazə alınmasına ehtiyac olmadan tələb olunan sağlamlıq protokollarına riayət etməklə maneəsiz həyata keçirilir.

Bu barədə Hafta.az-a İranın ölkəmizdəki səfirliyindən məlumat verilib. Səfirlik tələb olunan sağlamlıq protokollarını da açıqlayıb:

- Rəsmi hava, dəniz, dəmir yolu və quru sərhədlərindən İrana daxil olduqda 12 yaşdan yuxarı insanlar üçün ikinci koronavirus peyvəndinin vurulduğu tarixdən ən azı iki həftə keçmiş sertifikatı təqdim edilməlidir.

- Koronavirus peyvəndi sertifikatı olmadıqda, mötəbər laboratoriya tərəfindən 96 saatdan çox olmayaraq verilmiş mənfi PCR test sertifikatı təqdim etmək məcburidir.

Məlumata görə, bundan əvvəl və son 9 ay ərzində İranın Bakıdakı səfirliyinin Konsulluq şöbəsindən lazımi icazə alındıqdan sonra 38 qrup şəklində 9 min nəfər Azərbaycan vətəndaşının İran ərazisinə daxil olmasına icazə verilib.

Oxunma sayı 667