Rusiya Turizm Sənayesi Assosiasiyası bu yay rusiyalı turistlərin Avropaya marağının əhəmiyyətli dərəcədə artdığını açıqlayıb. Yay mövsümündə Avropaya səyahət edən rusiyalı turistlərin sayı təxminən 140 min nəfərə çatıb.
Hafta.az-ın yazdığına görə, bu, hələ də simvolik rəqəm olsa da, ötən illə müqayisədə 35 faiz artım deməkdir. Turistlər xüsusilə Fransa, İspaniya, İtaliya və Yunanıstan kimi məşhur istiqamətlərə üstünlük veriblər. Lakin bu rəqəmlər hələ "Covid-19"dan əvvəlki səviyyəyə çatmayıb.
Rusiyadan Avropaya səyahətlər artsa da, Şengen vizası müraciətlərində də çətinliklər var. RTE-nin vitse-prezidenti Dmitri Qorinin sözlərinə görə, viza müraciəti prosesində daha uzun gözləmə müddətləri və daha sərt nəzarət var. Xüsusilə, üç aydan altı aya qədər qısamüddətli vizalar daha çox yayılır, beş illik uzunmüddətli vizalar indi nadir hallarda verilir. Bundan əlavə, vizadan imtina nisbəti 10 faizə yüksəlib. Bu nisbət "Covid-19"dan əvvəl təxminən 1,5 faiz idi.
Turist vizalarının verilməsi müddəti də uzadılıb. Bəzi ölkələrdə viza müraciəti üçün görüş təyin etmək iki aya qədər çəkə bilər. Bundan əlavə, vizanın qiymətləndirilməsi müddəti 45 günə qədər uzadıla bilər. Bu proseslərin səngiməsi turistlərin, xüsusən də Avropaya səyahət etməyi planlaşdıran turistlərin əvvəlcədən hazırlıqlı olmasını tələb edir.
Avropaya səyahət etmək istəyən Rusiya vətəndaşlarının əksəriyyəti Fransa, İspaniya, İtaliya və Yunanıstan kimi ölkələrə üstünlük verir. Kipr və Monteneqro başda olmaqla, tranzit uçuşlarla çatıla bilən istiqamətlərə tələbat da artıb. Turizm mütəxəssisləri yeni il üçün Avropaya səyahət etmək istəyənlərə indidən plan qurmağı tövsiyə edir.
