Son zamanlar İraqda hərəkətlilik və təmaslar baxımından intensivlik artıb.
Hafta.az-ın yazdığına görə, Birləşmiş Millətlər Təşkilatının (BMT) Qəzza zolağında humanitar atəşkəsin tətbiqinə dair “məcburi olmayan” qətnamənin qəbulundan sonra İsrailin hücumları güclənib.
İraq mənbələrinin məlumatına görə, İran İnqilab Keşikçiləri (SEPAH) İraq qruplaşmalarının ölkənin qərbinə yerləşdirilməsi planlarını nəzərdən keçirir. Etibarlı mənbələr bildiriblər ki, “siyasi vasitəçilər” amerikalılara “İran Qəzza müharibəsində iştirak etmək istəmir, lakin İsrailin işğalı onu buna məcbur edə bilər” mesajları verib.
Mənbələrə görə, iranlılar bu mesajlarla amerikalıları və israilliləri işğal tarixini təxirə salmağa və ya onun əhatə dairəsini daraltmağa məcbur etmək məqsədi güdürlər. Həmçinin iddia edilib ki, iranlılar iraqlı qrup liderləri ilə İsrail qüvvələrinin qurudan hücumuna “cavabın ölçüsü və xarakterini” müzakirə ediblər. Amma İraq hökumətinə qoşulan şiə qüvvələr hələ də bu böhrana daha çox qoşulmaqdan boyun qaçırırlar.
Koordinasiya Çərçivəsində İsrailə müdaxilənin “qorxulu imkanları” səbəbindən çaşqınlıq var.
Şiə siyasi çətir təşkilatının Koordinasiya Çərçivəsinin lideri deyib: “Bölgədəki gərginliyin hökuməti və ölkədə ümumi vəziyyəti təhdid etdiyinə dair xəbərdarlıqlara baxmayaraq, Baş nazirin Qəzzaya humanitar yardım göndərmək və müharibəni dayandırmaq üçün diplomatik fəaliyyət göstərmək strategiyası silahlı qrupların liderlərini qane etmir”.
Adının açıqlanmasını istəməyən lider deyib: “Qəzzaya quru işğalı başlasa, İraq qruplaşmalarının hərəkatları tamamilə nəzarətdən çıxacaq və hökumətin iranlılarla əlavə dialoq qurmaqdan başqa çarəsi qalmayacaq. İranın amerikalılara çatan mesajının xarakteri Tehranın münaqişəyə hazır olması deməkdir".
Xatırladaq ki, İraq qruplarının Həmas hərəkatı ilə koordinasiya etmək üçün əməliyyat otağı yaratdığı, lakin İranın göstərişi ilə onların hərəkətlərinin məhdudlaşdırıldığı bildirilirdi.
