Rusiya Tur Operatorları Assosiasiyasının (ATOR) məlumatına görə, son bir həftədə xaricə tətil turlarına tələbat 10 faizdən 40 faizə yüksəlib. Bu artımın əsas səbəbləri rublun bahalaşması və rusiyalı turistlərin may və yay tətillərini planlaşdırmasıdır. İqtisadi səyahət variantlarına marağın artdığı bildirilərkən, tur operatorları rublun sabitləşməsinin tətil qərarlarını sürətləndirdiyinə diqqət çəkib.
Hafta.az-ın yazdığına görə, ATOR-un vitse-prezidenti rublun möhkəmlənməsinin turizm sektoruna müsbət təsir etdiyini ifadə edərək, “dollar və avronun məzənnəsindəki enişin büdcəyə uyğun tətil variantları təklif edən operatorların satışlarında dərhal əks olunduğunu görürük. Digər tərəfdən, dəbdəbəli tur paketləri təklif edən operatorlar üçün müştərilər valyuta məzənnələrinə deyil, ümumi iqtisadi vəziyyətə diqqət yetirirlər” deyib.
Muradyan bu təsirin xüsusilə Misir, Birləşmiş Ərəb Əmirlikləri və Tailand kimi istiqamətlərdə özünü büruzə verdiyini və hazırda Türkiyəyə tələbatın daha çox İstanbul və mədəniyyət turları çərçivəsində artdığını bildirib.
Rusiyada turizm sənayesi rublun növbəti həftələrdə daha da möhkəmlənməsi ilə xaricə turlara tələbatın artacağını gözləyir. Bildirilir ki, fevral və mart aylarında bayram günləri olmadığı üçün tətil planları daha gec tarixlərə keçirilir və bu, rezervasiya vaxtlarını uzadır. ATOR rəsmiləri iqtisadi sabitliyin qorunduğu təqdirdə yay tətili satışlarının əhəmiyyətli dərəcədə artacağını proqnozlaşdırırlar.
