Ukraynanın Strateji Sənaye Nazirliyinin son açıqlamasına görə, ölkə ildə 3 milyondan çox pilotsuz uçuş aparatı istehsal etmək gücünə malikdir.
Hafta.az-ın “GDH Defence”ə istinadən yazdığına görə, bu imkan həm dövlət, həm də özəl sektor müəssisələri tərəfindən dəstəklənir və beynəlxalq tərəfdaşlarla əməkdaşlıqda inkişaf etdirilir.
Strateji Sənaye və İstehsal nazirinin müavini Anna Qvozdіar qeyd edib ki, Ukraynanın istehsal imkanları güclü olsa da, maliyyələşdirmə kritik amil olaraq qalır. Ukrayna hökuməti lazımi maliyyənin yalnız bir hissəsini təmin etmək iqtidarındadır, qalan hissəsini beynəlxalq tərəfdaşlar təmin edir. Qeyd edək ki, Kanada bu pilotsuz təyyarələrin bir hissəsini Ukrayna qüvvələrinin istifadəsi üçün almağa razılaşıb və Böyük Britaniya da daxil olmaqla, digər ölkələrlə müzakirələr davam edir.
Qvozdіar vurğulayıbı ki, bir milyondan çox pilotsuz uçuş aparatının istehsalı üçün ekvivalent sayda sursat lazımdır. Strateji Sənayelər Nazirliyi hazırda müvafiq döyüş sursatları olan bir sıra pilotsuz uçuş aparatlarının yaradılması üzərində işləyir və müxtəlif əməliyyat ehtiyaclarını ödəmək üçün standartlaşdırmanı qiymətləndirir.
Prezident Vladimir Zelenski Ukraynanın hərbi strategiyasında pilotsuz uçuş aparatlarının əhəmiyyətini vurğulayaraq, onların Rusiya qüvvələrinin və logistikanın effektiv şəkildə hədəf alınmasında rolundan danışıb. Zelenski Ukrayna qoşunlarını pilotsuz uçuş aparatlarından innovativ istifadəsinə və müxtəlif əməliyyat kontekstlərinə uyğunlaşmasına görə tərifləyib.
