“Politico” səkkiz məlumatlı mənbəyə istinadən yazır ki, Ukrayna hakimiyyət orqanları ilə ABŞ arasında münasibətlər ABŞ rəsmilərinin Ukraynaya Rusiya ilə sülh danışıqlarının təşkili üçün təzyiqlərin mümkünlüyü barədə müxtəlif bəyanatları səbəbindən kəskinləşib.
Qəzetin həmsöhbətlərindən birinin sözlərinə görə, Dövlət Departamenti “mümkün dialoqun əsasını qoymağa” çalışır. Digər mənbə qeyd edib ki, hazırda tərəflər arasında danışıqlar üçün konkret sənəd, planlaşdırma platforması və ya strategiyası yoxdur.
Vaşinqton Kiyevi əmin edir ki, qışda hərbi əməliyyatların ehtimal olunan dayandırılması danışıqların tezliklə aparılmasına ehtiyac olduğu anlamına gəlmir və dəstəyi davam etdirəcəyinə söz verir. Eyni zamanda, ABŞ rəsmilərindən biri “Politico” nəşrinə müsahibəsində bildirib ki, “Ukrayna Silahlı Qüvvələri üçün Dnepr çayının sol sahilindəki əraziləri geri qaytarmaq çətin olacaq, bu isə sülh haqqında niyə danışmağa başlamamaq deməkdir”.
Eyni zamanda, mənbələr nəşrə bildiriblər ki, qışın başlaması ilə münaqişənin diplomatik yolla həllinin tərəfdarları hələ də prezident Co Baydeni və onun yaxın ətrafını razı sala bilməyiblər. Bu barədə Amerika rəsmiləri arasında üç, ukraynalılar arasında iki mənbə bildirib.
Xüsusilə, ABŞ-ın Birləşmiş Qərargah Rəisləri Komitəsinin rəhbəri, general Mark Milley Moskva və Kiyev arasında danışıqlar üçün səy göstərməyə çağırır, lakin onun fikri nə Ağ Evdə, nə də Kiyevdə dəstəklənmir.
