Səudiyyə Ərəbistanı Həcc və Ümrə Nazirinin müavini Dr. Əbdülfəttah Meşşat ümrə ziyarəti üçün xaricdən gələnlərin sayında heç bir məhdudiyyət olmadığını bildirib.
Hafta.az-ın yazdığına görə, Meşşat xaricdən gələn ümrə ziyarətçilərinin sağlamlıq vəziyyətinin "sağlamlıq pasportu" ilə təsdiqlənməsi lazım olduğunu bildirib.
Yaşı 18-dən yuxarı olanların ümrə vizası ala biləcəyini qeyd edən Meşşat, “Bu il xaricdən Ümrə ziyarətçiləri üçün viza prosedurları qısaldılaraq, mərkəzi rezervasiya portalı “Maqam” vasitəsilə yalnız iki mərhələni əhatə edəcək. Bunun ardınca bütün xidmətlərin və paketlərin seçimi və rezervasiyası gəlir. Ümrə səyahət proqramı birbaşa elektron platformalardan biri vasitəsilə hazırlanır. Müraciətə baxılması və vizanın elektron şəkildə verilməsi üçün müraciət məlumatları Xarici İşlər Nazirliyi ilə inteqrasiyada viza platformasına göndərilir", - Meşşat deyib.
Ümumi viza sayına da toxunan Meşşat qeyd edib ki, Məhərrəm ayı başlayandan bəri verilən ümrə vizalarının ümumi sayı 85 mini keçib və onlardan 25 mini artıq Səudiyyə Krallığı ərazisinə daxil olub. Onun sözlərinə görə, "Eatmarna" tətbiqi ilə mövsümün əvvəlindən bəri verilən icazələrin sayı ölkə daxilindən Ümrə ziyarətinə gələnlər üçün 842 min 45 icazəyə çatıb.
Həcc və Ümrə Naziri müavininin bu məsələ ilə bağlı açıqlaması ölkənin hər il 30 milyon ümrə ziyarətçisini qəbul etmək hədəfinə uyğundur. Xüsusilə, Kovid-19 epidemiyasından sonra Ramazan ayı ərzində müxtəlif İslam ölkələrindən Ümrə ziyarətinə gələnlərin sayı gündəlik 400 minə çatıb.
"Rəhmanın Qonaq Xidməti Proqramı"na növbəti beş il üçün 6 milyard riyal ayrılıb. Proqram üçün təklif olunan büdcə Məkkə və Mədinə üçün bərabər şəkildə - 50-50 nisbətində bölünüb. Məkkə və Mədinədə ən azı 40 tarixi yer açılıb.
Məkkə və Mədinə yollarda, nəqliyyatda, infrastrukturda, zəvvarlara və ümrə ziyarətçilərinə təklif olunan xidmətlərdə keyfiyyət sıçrayışının şahidi olur. 30 milyon zəvvarın qəbulu hədəfini dəstəkləyəcək meqa layihələrin həyata keçirilməsi istiqamətində işlər aparılır.
Meşşat tibbi sığortaya sahib olmaq öhdəliyi ilə bağlı bunları açıqlayıb: “Ümrə ziyarətçiləri bütün dövlət xəstəxanalarında və sağlamlıq mərkəzlərində sağlamlıq, "Covid-19" müalicəsi və karantin xərclərini əhatə edən hərtərəfli sığortaya sahib olmalıdırlar. Ümrə vizası almaq üçün əsas şərtlərdən biri olan qəza və fəlakət sığortası ölkəyə giriş tarixindən etibarən 90 gün ərzində etibarlıdır".
Xaricdən Ümrə ziyarətçilərinin xidmətlərlə bağlı sual və şikayətlərini telefon və ya e-poçt vasitəsilə çatdıra biləcəklərini ifadə edən Meşşat, “İki addımı tamamladıqdan və vizanı elektron şəkildə əldə etdikdən dərhal sonra "Eatmarna" tətbiqi ilə ölkəyə gəlməzdən ən gec 6 saat əvvəl Ümrə ziyarəti üçün görüş təyin etmək mümkündür”, - deyib.
Ölkədə Ümrə ziyarətçiləri üçün xidmət müqaviləsi olduğunu bildirən Meşşat deyib ki, son zamanlar bəzi şikayətlər və müşahidələr turizm və səyahət şirkətlərinin xidmət təminatçıları vasitəsilə ölkənin müxtəlif yerlərindən çox sayda Ümrə ziyarətçiləri tərəfindən izlənilir. Bu şikayətləri yoxladıqdan sonra müəyyən edilib ki, sənədləşdirilmiş müqavilələr yoxdur. Ona görə də ölkə daxilindən Ümrə ziyarətinə gələnlər xidmət və təfərrüatları təsvir edən müqavilələr əldə etməlidirlər.
"Həcc və Ümrə Nazirliyi Ümrə sistemində fəaliyyət göstərən bütün dövlət və özəl qurumlarla əməkdaşlıq edərək, 2030 hədəflərinə çatmaq üçün bütün prosedurları asanlaşdırmaq üçün davamlı olaraq çalışır", - deyib Meşşar.
