Səudiyyə Ərəbistanının Səhiyyə Nazirliyi Ramazan ayında ümrə etmək niyyətində olanlar üçün sətəlcəm peyvəndinin alınmasının vacib olduğunu bildirib.
Hafta.az-ın yazdığına görə, bu, profilaktik sağlamlıq tədbirlərinin gücləndirilməsi və yoluxucu xəstəliklərin yayılmasının məhdudlaşdırılması səylərinin bir hissəsidir.
Nazirlik bildirib ki, peyvənd Ümrə səfərinə ən azı 10 gün qalmış vurulmalıdr.
Bildirilib ki, son beş il ərzində peyvənd edilmiş insanların gücləndirici dozaya ehtiyacı yoxdur, çünki peyvənd bu müddət ərzində təsirli qalır.
Nazirlik, həmçinin insanları təhlükəsiz və sağlam Ümrə təcrübəsini təmin etmək üçün profilaktik tədbirlərə riayət etməyin vacibliyini vurğulayaraq, böyüklər üçün seçilmiş klinikalarda peyvəndi almaq üçün Sehhaty proqramı vasitəsilə görüş təyin etməyə çağırıb.
Qərar, nazirliyin ümrə ziyarətçilərinin sağlamlığını qorumaq, sağlamlıq haqqında məlumatlılığı artırmaq, həyat keyfiyyətini və səhiyyə xidmətlərini yaxşılaşdıran inteqrasiya olunmuş səhiyyə sistemini inkişaf etdirmək səylərinə uyğundur.
