Netflix istifadəçiləri 2019-cu ildə buraxılmasına baxmayaraq platformada daha populyar istehsalların kölgəsində qalan miniserialı yenidən diqqətə gətirdilər.
Hafta.az-ın “Mirror”a istinadən yazdığına görə, sosial mediada @Eccyreviews kimi tanınan televiziya və kino tənqidçisi, TikTok-dakı paylaşımında təəccüblü dramatik " When They See Us"u Netflix-də izləmək üçün ən yaxşı mini-seriya kimi təsvir edib. “Dərhal izləməlisən” deyərək izləyicilərinə xitab edən kinosevər, tamaşaçıları dərindən təsirləndirən seriala tərif yağdırıb.
“Ola bilər ki, ziyafətə bir az gecikirəm, amma o qədər insan mənə deyir ki, bu seriala baxmalıyam. Düzünü desəm, indiyə qədər izlədiyim ən yaxşı istehsallardan biridir”, - Netflix bildirib.
Netflix 18 yaşından kiçik tamaşaçılar üçün uyğun olmadığını bildirdiyi mini-serialın süjetini belə xülasə edir: “Beş Harlem yeniyetməsi Mərkəzi Parkda amansız hücumda günahlandırılarkən özlərini kabusun içində tapırlar”.
Asante Blakk, Kalil Harris, Ethan Herisse və Marquis Rodriquez kimi gənc aktyorların rol aldığı istehsal ümumilikdə 34 mükafat qazanıb və 78 fərqli mükafata namizəd olub.
Serial, IMDb-də edilən şərhlərdə də təriflər alır. Tamaşaçılardan biri "Xüsusən də gənc aktyorların ifaları məni özünə cəlb etdi. Çoxdandır heç nədən bu qədər təsirlənməmişdim. Son bölümdə bir neçə dəfə göz yaşı tökdüm. Ümid edirəm ki, tamaşaçılar bütün epizodlara baxmazdan əvvəl mühakimə etməzlər" yazıb.
Başqa bir istifadəçi əlavə edib ki, seriala baxmaq asan deyil: “Çox kədərli və məyusedicidir, çünki həqiqətdir”.
Başqa biri şərh yazıb: "Möhtəşəm, lakin izləmək çox çətin bir istehsaldır. Bu, məni həqiqətən heyrətləndirib. Başdan sonadək əla aktyorluq hiss olunur".
TikTok-da tövsiyə videosu ilə bağlı şərhlər də son dərəcə təsir edicidir. "Aman tanrım! “When They See Us” gözəl mini serialdır. Salfetlərinizi hazırlayın", - istifadəçilərdən biri yazıb.
