Hazırda amerikalılar Vətəndaş Müharibəsi günlərində olduğu qədər spirt içirlər.
Hafta.az-ın yazdığına görə, Alkoqoldan Sui-istifadə və Alkoqolizm üzrə Milli İnstitutun (NIAAA) yeni hesabatı göstərir ki, orta amerikalı 1860-cı ildə adambaşına istehlak edilən miqdarda spirt içir.
Amerikalılar 2021-ci ildə adambaşına təxminən 9,5 litr etanol (şərab, pivə və spirtli içkilərdə olan spirt) istehlak ediblər, Vətəndaş Müharibəsi ərəfəsində bu rəqəm təxminən 9,6 litr idi. Spirtli içkilərin tərkibinə su və ya digər qarışıqlar daxil olmayan bu həcm 1990-cı illərin ortaları ilə müqayisədə spirtli içki istehlakında 60 faiz artım deməkdir.
Amerikada 1995-ci ildən bəri istehlak edilən pivənin miqdarı təxminən 20 faiz azalsa da, şərab davamlı olaraq seçim içkisinə çevrilir. 1990-cı illərin ortaları ilə müqayisədə amerikalılar hazırda 50 faiz daha çox şərab istehlak edirlər.
ABŞ-da alkoqol istehlakı daha əvvəl dramatik səviyyələrə çatmışdı. 1934-cü ildə Qadağa Aktının ləğvindən sonra amerikalılar adambaşına təxminən 3,8 litr etanol içdilər və rəqəm 1945-ci ildə 8,7 litrə çatmışdı. Bu miqdar spirt istehlakının ən yüksək həddə çatdığı 1980-ci ildə təxminən 10,6 litrə qədər artmışdı.
Alkoqol istehlakının artması əsas demoqrafik qrupla da bağlı ola bilər. Martda ABŞ tarixində ilk dəfə olaraq qadınların kişilərdən daha çox içki içdiyi məlum olub. NIAAA direktoru Dr. Corc Kub bu yaxınlarda “Washington Examiner”ə deyib: "2021-ci ildə xüsusilə qadınlar arasında artım oldu. İndi məlum oldu ki, məsələn, kollec şəhərciyində qadınlar kişilərə nisbətən həddindən artıq miqdarda spirt istehlak edirlər, bu, tarixdə ilk dəfədir".
Əksər ştatların içki mağazalarını "vacib müəssisələr" elan etdiyi Covid-19 pandemiyası zamanı spirt istehlakında da kəskin dəyişiklik oldu. NIAAA-nın məlumatına görə, pandemiyanın ilk ili olan 2020-ci ildə alkoqol satışı 2,9 faiz artıb ki, bu da son 50 ildən çox müddətdə ən böyük illik artımdır.
Dr. Kub son vaxtlar universitet şəhərciklərinin və yerli barların yenidən açılması ilə qadınların çox içməyə meylinin artmasının insanları bir müddət imtina etdikdən sonra “içməyə yenidən başlamağa” səbəb olan “alkoqoldan imtina effekti” ilə əlaqələndirir. "Standart içki təxminən 45 ml araq, 355 ml pivə və ya 150 ml litr şərabdır", - deyib NIAAA-nın direktoru.
Xəstəliklərə Nəzarət və Qarşısının Alınması Mərkəzləri bildirirlər ki, qadınlar üçün gündə birdən çox, kişilər üçün isə ikidən çox standart spirtli içki istehlak etmək təhlükəsizdir.
