Hafta.az Binə qəsəbəsində baş vermiş qətl hadisəsi ilə bağlı bəzi təfərrüatları əldə edib.
Belə ki, qətlə yetirilən Elnarə Musayeva ilə Yadigar Cəfərov 2007-dən birlikdə yaşayıblar. Qeyri-rəsmi nikah münasibətlərində olmalarına baxmayaraq bu müddət ərzində onların iki övladı olub.
Mərhum Elnarə Musayevanın birinci ərindən isə bir övladı olub. Qətlin səbəbinin qısqanclıq olduğu bildirilir. Belə ki, tez-tez cütlük arasında münaqişələr yaranırmış. Bu səbəbdən Elnarə tez-tez evi tərk edirmiş.
Ər-arvad hər ikisi hadisə baş verən günə qədər Binə qəsəbəsindəki istixanalardan birində işçi kimi çalışıblar.
***
Bakıda kişi həyat yoldaşını qətlə yetirib.
Xəzər rayon prokurorluğundan hafta.az-a verilən məlumata görə, hadisə iyulun 8-i saat 17 radələrində Xəzər rayonu, Binə qəsəbəsi ərazisində baş verib. 1986-cı il təvəllüdlü Elnarə Musayevanın qəsdən öldürülməsi barədə rayon prokurorluğuna məlumat daxil olub.
Aparılmış ilkin araşdırmalarla müəyyən edilib ki, zərərçəkmişin əri 1980-ci il təvəllüdlü Yadigar Cəfərov ailə-məişət münaqişəsi zəminində aralarında yaranmış mübahisə zamanı Elnarə Musayevaya bıçaqla xəsarətlər yetirərək qəsdən öldürüş, daha sonra həmin bıçaqla özünə xəsarət yetirmişdir.
Yadigar Cəfərov 3 saylı Klinik Şəhər Xəstəxanasına yerləşdirilib.
Faktla bağlı Xəzər rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Hazırda cinayət işi üzrə istintaq davam etdirilir.
