Rejissor Denni Boyl janra yeni ölçü gətirən 2002 zombi filmi “28 Days Later”in davamı olan “28 Years Later” filmində fərqli bir hekayə gözlədiyini söyləyib.
Hafta.az-ın “Games Radar”a istinadən yazdığına görə, rejissor Boyl deib ki, əslində, Aleks Qarland ssenarini bir anda yazıb və bu, hər kəsin gözlədiyi bir şeydir.
"Beləliklə, bir hərbi qüvvə, bir hökumət, virusdan silah kimi istifadə edən kölgəli bir təşkilat... Bu cür şeylər. Nə Aleks, nə də mən bu fikirlərə çox həvəsli deyildik. Sonra biz onu daha böyük bir layihəyə çevirmək haqqında danışmağa başladıq; virusu Avropa və dünyaya yaymaq əvəzinə, əksini etmək ideyası ilə gəldik”.
Rejissoru Boyl və Qarland tərəfindən yazılmış, “28 Days Later” 2002-ci ildə ekranlara çıxıb və Cillian Mörfinin canlandırdığı velosiped xəbərçisi Cimin komadan oyandıqdan və cəmiyyətin əksər hissəsini məhv edən "qəzəb virusu" ilə vurulduqdan sonra sağ qalmaq uğrunda mübarizəsindən bəhs edirdi.
“28 Days Later” müasir kinoda zombi janrını yenidən populyarlaşdıran filmlərdən sayılır. Film həm tənqidçilər tərəfindən bəyənildi, həm də kassada böyük uğur qazandı. Sonradan "28 Weeks Later" adlı davam filmi Mörfisiz çəkildi, lakin ilk filmin uğuruna uyğun gəlmədi. Qarland və Boyl bu layihədə iştirak etməyiblər.
“28 Days Later” 8 milyon dollarlıq büdcə ilə 84,6 milyon dollar qazanıb, davamı isə 15 milyon dollarlıq büdcə ilə cəmi 65,8 milyon dollar əldə edib. Kassa performansındakı bu boşluq yeni davam filminin istehsalını gecikdirən amillərdən biri idi.
Baş rollarda Cudi Komer, Aaron Teylor-Conson və Ralf Fayennes çəkilmiş “28 Years Later”, yoluxmuş bir adada sağ qalan bir qrup insandan və materikə qayıtdıqda qarşılaşdıqları dəhşətli reallıqlardan bəhs edir.
“28 Years Later” iyunun 20-də kinoteatrlarda olacaq.
