"Game of Thrones”in (Taxt Oyunu) ulduzu Emilia Klark beyin qanaması diaqnozu ilə xəstəxanaya yerləşdirilərkən "ölməkdən daha çox işdən qovulmaqdan qorxduğunu" etiraf edib.
Hafta.az-ın yazdığına görə, Klark bu barədə “Harpers Bazaar” jurnalına müsahibəsində danışıb. Aktrisa, müsahibədə ona subaraknoid anevrizma diaqnozu qoyulanda yaşadığı hisslərini bölüşüb.
37 yaşlı aktrisa deyib: "Ölməkdən yox, işdən qovulmaqdan qorxdum! Qərara gəldim: "Bu, məni müəyyən edəcək bir şey deyil. Heç vaxt "Niyə mən?" deyə düşünməmişəm. Mən təslim olmadım, sadəcə geri qayıtmalıyam dedim”.
2011-2019-cu illərdə HBO kanalının məşhur "Taxt oyunları" serialında rol alan aktrisa sözlərini belə davam etdirib: "Düzünü desəm, bütün bunlar məni çox utandırdı. Sanki qüsurluyam, sanki prodüserlər məni etibarsız hesab edəcəklər".
Uğursuzluqdan narahat olmadığını, əksinə bunun üzərində inkişaf etdiyini bildirən ingilis aktrisa, "Bir şey səhv olarsa, hər zaman onu düzəldə biləcəyimizi düşünürəm. Ağrıdır, qorxudur, amma sonra hər şeyi edə bilərsiniz" deyib.
Aktrisa 2019-cu ildə “New Yorker”ə yazdığı məqalədə xəstəliyinin bir anda öz adını belə xatırlaya bilməməsinə səbəb olduğunu paylaşıb. Məlum olub ki, Klark beyin səthində qanaxma nəticəsində yaranan nadir iflic növü kimi tanınan subaraknoid qanaxma keçirib və aktyor iki dəfə əməliyyat olunub.
Klark müsahibəsində deyib: "Əgər beyin qanaması olmasaydı, onun başqa bir şey olduğunu düşünərək Hollivudda yaşayan qoca bir axmağa çevrilərdim. İndi baş verənlərdən daha çox xəbərdaram".
Bu il məşhur aktrisa Chivetel Ejioforla birlikdə özünün də prodüseri olduğu romantik elmi-fantastik “The Pod Generation” filmində rol alıb. Klark həmçinin Marvelin "Secret İnvasion” mini seriyasında Giah rolunda görünüb.
“Game of Thrones”un ulduzu 2024-cü il üçün heç bir layihə açıqlamayıb.
