Səudiyyə Ərəbistanı 26 beynəlxalq tərəfdaşın Qəzzada müharibəyə dərhal son qoyulmasını, humanitar yardıma qoyulan bütün məhdudiyyətlərin aradan qaldırılmasını və mühasirədə olan Fələstin ərazisində mülki şəxslərə təhlükəsiz və tez çatdırılmasını tələb edən birgə bəyanatını alqışlayıb.
Hafta.az-ın yazdığına görə, bəyanatda həmçinin işğal olunmuş ərazilərdə hər hansı demoqrafik dəyişiklik rədd edilib və İsrail yaşayış məntəqələrinin genişləndirilməsi pislənilib.
Krallıq İsrailin qeyri-insani təcrübələri, o cümlədən yardımların çatdırılmasına sistematik maneçilik törətməsi və mülki vətəndaşların qida, dərman və təmiz su kimi əsas ehtiyacları əldə etməyə cəhd edərkən hədəfə alınması kimi təsvir etdiyi hərəkətlərə qəti şəkildə qarşı olduğunu bir daha təsdiqləyib.
Ər-Riyad beynəlxalq ictimaiyyəti böhranı uzatmaq, bütün regional və qlobal sülh səylərinə zərbə vurmaq məqsədi daşıyan İsrailin barışmazlığı kimi qiymətləndirdiyinə cavab olaraq tez və praktiki tədbirlər görməyə çağırıb.
