Gömrük Komitəsinin sədr müavini təltif olundu

12:39 24.06.2022 Müəllif:Hafta.az
Yazını böyüt
Yazını kiçilt

Bir neçə gün öncə adı həbs olunan gömrükçülər sırasında hallandırılan Dövlət Gömrük Komitəsinin sədr müavini gömrük general-mayoru İqbal Babayev təltif edilib.


Hafta.az xəbər verir ki, bu barədə İ.Babayev özü məlumat paylaşıb. O bildirib  ki, Ukraynadakı universitetdən sevindirici xəbər alıb:


“Ukraynanın Gömrük işi və Maliyyə Universitetinin 2022-ci il iyun ayının Elmi Şurasının qərarı ilə Gömrük Universitetləri Assosiasiyasının prezidenti, Avstraliyanın Çarlz Sterta Universitetinin professoru Devid Viddovsona, Latviyanın keçmiş gömrük xidmətinin rəhbəri, Riqa Texniki Universitetinin Gömrük və Vergi kafedrasının müdiri, professor Ayvars Krastınışa və mənə Universitetin “Fəxri doktoru” adı verilib (//umsf.dp.ua/index.php/about/pochesni-doktory).

Mənim üçün bu adı daşımaq böyük şərəfdir.

Bu səbəbdən, Universitetin Elmi Şurasının bütün üzvlərinə və namizədliyimi irəli sürən hər kəsə minnətdarlığımı bildirirəm. Söz verirəm ki, bütün bilik və təcrübəmi Azərbaycan ilə Ukrayna dostluğunun inkişafı və möhkəmləndirilməsi naminə səfərbər edəcəyəm. Yaşasın Azərbaycan-Ukrayna əbədi dostluğu!”.


Ukraynanın Gömrük işi və Maliyyə Dövlət Universiteti 1996-cı ildə keçmiş president L.Kuçmanın fərmanı ilə Dnepr şəhərində yaradılıb.  Universitetdə gömrük sahəsində bakalavr, magistr pillələri ilə yanaşı, elmi işçilər hazırlanır. Universitetdə Avropa, Amerika, Afrika, Yaxın Şərq, Hindistan və MDB ölkələrindən tələbələr təhsil alırlar.

İqbal Babayev 2018-ci il 6 ioyul tarixindən Dövlət Gömrük Komitəsinin sədr müavini vəzifəsinə təyin olunub.

Oxunma sayı 181