ABŞ-da elm adamları nanotexnologiya sayəsində kimyaterapiyaya alternativ ola biləcək xərçəng müalicəsi hazırlayıblar.
Hafta.az-ın News.com-a istinadən yazdığına görə, bildirilib ki, Texasdakı Rays Universitetinin tədqiqatçıları tərəfindən "molekulyar çəkiclər" (MHJ) adlandırılan üsul şişləri aradan qaldırmaq üçün istifadə edilə bilər.
MHJ metodunda, tibbi görüntüləmə prosedurlarında istifadə edilənə bənzər bir siyanin boyası bədənə vurulur. Bu boya xərçəng hüceyrəsinə bağlandıqdan sonra bədənə zərər vermədən dərinliyə nüfuz edə bilən infraqırmızı işıqla aktivləşir. Bu siqnallar xərçəng hüceyrəsində vibrasiyaya səbəb olur və hüceyrə membranının qopmasına səbəb olaraq xərçəngi məhv edir.
Araşdırmanın aparıcı müəllifi Ciceron Ayala Orozko texnologiyanın hələlik yalnız siçanlar üzərində sınaqdan keçirildiyini və prinsipcə işlədiyini bildirib. Alim bildirib ki, insanlar üzərində təcrübələr ancaq illər sonra aparıla bilər.
Orozko həmçinin MHJ texnologiyasının xərçəng müalicəsində istifadə edilən kemoterapi ilə müqayisədə çox daha az yan təsirlərə səbəb olacağını ifadə edib.
Rays Universitetindən Ceyms Tur, aqressiv dəri xərçəngi olan melanoma olan siçanlar üzərində apardıqları təcrübələrdə heyvanların yarısında xərçəng hüceyrələrinin tamamilə məhv edildiyini bildirib.
Tədqiqatçı bu texnologiyanın bədəndəki xərçəng hüceyrələrinin qalıqlarını aşkarlamaq üçün də istifadə oluna bilməsi üçün araşdırmalarını davam etdirdiklərini bildirib.
