Yazını böyüt
Yazını kiçilt
Yanvarın 14-də Şabran rayonunun Pirəmsən kəndində Quba rayon sakini, əvvəllər məhkum olunmuş T.Məmmədovun sərxoş halda ailə-məişət münaqişəsi zəminində oğlu Ürfana tüfəngdən atəş açması barədə rayon polis şöbəsinə məlumat daxil olub.
Daxili İşlər Nazirliyinin mətbuat xidmətindən hafta.az-a bildiriblər ki, baş nahiyəsindən xəsarət almış Ürfana xəstəxanada ilkin tibbi yardım göstərilib.
Polis əməkdaşları tərəfindən hadisə yerinə baxış zamanı oradan “İJ-16” markalı ov tüfəngi götürülüb.
Görülmüş tədbirlər nəticəsində T.Məmmədov saxlanılıb.
Faktla bağlı araşdırmalar davam etdirilir.
