Səudiyyə Ərəbistanının milli neft şirkəti ARAMCO, təxminən dörd aylıq fasilədən sonra bu gün Körfəz sahilində yerləşən Ras Tanura terminalında neft yükləməsini bərpa edib. Bu, Yaxın Şərq neft istehsalçılarının Hörmüz boğazında gəmilərə edilən hücumlara baxmayaraq ixracatı artırmaq planlarının göstəricisidir.
Hafta.az yazır ki, Səudiyyə Ərəbistanının Bahri gəmiçilik şirkəti tərəfindən idarə olunan iki çox böyük xam neft daşıyan tanker dünyanın ən böyük neft limanı olan Ras Tanurada xam neft yükləyərkən, digəri isə yaxınlıqda gözləyib. Hər bir VLCC 2 milyon barel neft yükləmə qabiliyyətinə malikdir.
Ras Tanura Səudiyyə Ərəbistanının şərqində - Körfəz sahilində yerləşir. Münaqişədən əvvəl gündə 5 milyon bareldən çox xam neft ixrac edirdi. Ölkənin ən böyük yerli 550 min barel/günlük neft emalı zavodu da müharibə zamanı ehtiyat tədbiri olaraq bağlanan Ras Tanurada yerləşir. LSEG məlumatlarına görə, ARAMCO sonuncu dəfə Ras Tanura limanından Çin üçün yükü 8 martda yükləyib, amma müharibə zamanı İranın Hörmüz boğazını bağlaması səbəbindən ixracını Qırmızı dənizdəki Yanbu limanına yönəltməli olub.
Məlumatlar göstərir ki, müharibə Səudiyyə Ərəbistanının xam neft ixracatının son üç ayda fevralda gündəlik 7 milyon bareldən təxminən 4 milyon barelə düşməsinə səbəb olub.
