Yazını böyüt
Yazını kiçilt
Azərbaycan Hərbi Hava Qüvvələrinə məxsus döyüş təyyarələri “Anadolu Qartalı - 2022” beynəlxalq taktiki uçuş təlimlərində iştirak etmək üçün Türkiyənin Konya şəhərinə gedib.
Hafta.az xəbər verir ki, təlimə hazırlıqla bağlı yoxlama uçuşları keçirilib.
Məlumata görə, beynəlxalq taktiki uçuş təlimlərində Azərbaycanı Su-25 və MiQ-29 qırıcı təyyarələri təmsil edəcək. Təlimdə Türkiyə və Azərbaycan hərbçiləri ilə yanaşı, Böyük Britaniya, İordaniya və Pakistanın hərbi qulluqçuları da iştirak edəcək.
Qeyd edək ki, təlimlər iyunun 20-dən iyulun 1-dək davam edəcək.
