Türkiyənin Statistika Təşkilatı – TÜİK 2022-ci ilin yekunlarına əsasən “Daxili Miqrasiya Statistikası” bülletenini açıqlayıb.
Hafta.az-ın yazdığına görə, ötən il 2 milyon 791 min 156 adamın vilayətlər arasında köç etdiyi Türkiyədə meqaşəhər İstanbul həm ən çox immiqrasiya alan şəhər, həm də ən çox köç verən vilayət olub. Yəni İstanbuldangedənlərin sayı gələnlərdən çox olub.
Bülletenə görə, 2007-2008-ci illərdə 3,18 faiz olan vilayətlərarası köç edən əhalinin nisbəti, illər ərzində dəyişən kursun ardından 2022-ci ildə 3,27 faizə yüksəlib.
Bu çərçivədə ötən il Türkiyədə 2 milyon 791 min 156 adam vilayətlər arasında köç edib. Bu əhalinin 47,9 faizini kişilər, 52,1 faizini isə qadınlar təşkil edib.
Türkiyədə köç edən əhalinin vilayətlərarası bölgüsündə İstanbul 385294 nəfərlə ən çox köç alan vilayət olub. İstanbulu 189104 nəfərlə Ankara, Ankaranı isə 132426 nəfərlə İzmir izləyib. Ən az immiqrasiya qəbul edən vilayətlər sırasıyla 5391 nəfərlə Ardahan, 7031 nəfərlə Bayburt və 8008 nəfərlə Kilisdir.
Ən çox immiqrasiya qəbul edən vilayətlər olan İstanbul, Ankara və İzmirin də ən çox immiqrant göndərən vilayətlər olduğu görülüb. İstanbuldan 418082 nəfər, Ankaradan 161912 nəfər və İzmirdən 107312 nəfər köç edib.
Ən az immiqrant verən vilayətlər sırasıyla 7578 nəfərlə Tunceli, 7629 nəfərlə Kilis və 8157 nəfərlə Ərdahan olub.
Türkiyədə ötən il ən yüksək miqrasiya hərəkətliliyi 643998 nəfərlə 20-24 yaş qrupunda olub. Sözügedən yaş qrupundakı immiqrantların 42,5 faizi kişi, 57,5 faizi isə qadınlardır.
Ötən il əyalətlərarası miqrantların 591790 nəfəri ailə üzvlərindən birindən asılı olaraq miqrasiya edib. Miqrasiyanın digər səbəbləri araşdırıldığında isə 526008 nəfərin təhsil, 479250 nəfərin isə mənzil və məişət şəraitinin yaxşılaşması səbəbindən miqrasiya etdiyi görülüb.
Cinslərə görə miqrasiyanın səbəbi araşdırıldığında, həm kişilərin, həm də qadınların daha çox ailə üzvlərindən birindən asılı olaraq miqrasiyaya məcbur qaldığı bilinib. Kişilərdə 237574 nəfər, qadınlarda isə 354216 nəfər ev təsərrüfatlarından birinin hesabına köçüb.
Türkiyədə 2022-ci ildə miqrasiya hərəkətliliyinin ən yüksək olduğu yaş qrupu olan 20-24 yaş qrupunun köçünün səbəbi təhsil olub. Sözügedən yaş qrupunda olan immiqrantların 257676 nəfərinin təhsil, 91612 nəfərinin işə başlama, iş tapmaq, 50338 nəfərinin isə mənzil və məişət şəraitinin yaxşılaşması səbəbindən köç etdiyi müəyyən edilib.
