İlk dəfə İngiltərədə uşaqlarda görülən sirli hepatit hadisələri indiyədək 7 ölkədə müşahidə edilib. ABŞ və Böyük Britaniya ağır xəstələrin olduğunu və onların qaraciyər transplantasiyasına ehtiyacı olduğunu açıqlayıb. Mütəxəssislər hepatit hallarının uşaqlar üçün qaraciyər transplantasiyasına qədər qeyri-adi olduğunu vurğulasalar da, bir çox ölkələr “yeni qlobal epidemiya” narahatlığı ilə təşvişə düşüb.
Hafta.az bildirir ki, İngiltərədə başlayan və hədəfə alınan uşaqlarda sirli hepatit (qaraciyər iltihabı) halları yayılmaqda davam edir. Xəstəlik ABŞ, İrlandiya, Danimarka, Hollandiya və İspaniya da daxil olmaqla 7 ölkədə müşahidə olunub. İsrail uşaqlarda hepatit hallarını elan edən sonuncu ölkə olub.
İsrail uşaqlar arasında 12 hepatit hadisəsi açıqlasa da, yanvarın əvvəlindən İngiltərədə görülən xəstələrin sayı 108-ə çatıb. Uşaqlardan 8-nin vəziyyətinin ağır olduğu və qaraciyər transplantasiyasına ehtiyac olduğu açıqlanıb.
ABŞ-ın Alabama ştatının ictimai səhiyyə bölməsi də qeyd edib ki, 1-6 yaş arası uşaqlarda 9 hadisə baş verib və onlardan ikisinə qaraciyər transplantasiyası lazımdır.
Alimlər uşaqlarda qəfil yaranan və sürətlə yayılan xəstəliyin arxasında nəyin dayandığını dəqiq bilmirlər.
Ümumdünya Səhiyyə Təşkilatı (ÜST) və Avropa Xəstəliklərin Qarşısının Alınması və Nəzarət Mərkəzi (ECDC) xəstəliyin mənbəyini araşdırdıqlarını açıqlayıb.
Böyük Britaniyanın Sağlamlıq Təhlükəsizliyi Agentliyi hesab edir ki, tez-tez yüngül soyuqdəymə, qusma və ishala səbəb olan ümumi virus ailəsi olan adenoviruslar hepatit hallarında rol oynaya bilər.
Agentlik bu gün İngiltərədəki hadisələrin təxminən 77 faizində adenovirus üçün müsbət test edildiyini açıqladı.
Xəstəliyin yayılmasının araşdırılması ilə məşğul olan mütəxəssislər hesab edirlər ki, koronavirusdan uzun müddət davam edən karantinlər uşaqların immunitetini zəiflədə bilər və adenovirus riskini artıra bilər.
Elm adamlarının nəzərdən keçirdiyi başqa bir variant, vəziyyətin pandemiya zamanı "qeyri-adi mutasiyalar" əldə etmiş bir virusdan qaynaqlanması ehtimalıdır.
Adının açıqlanmasını istəməyən anonim şəxs The Telegraph-a açıqlamasında bildirib ki, uşaqlarda yüngül hepatit halları müşahidə oluna bilər, lakin indi ortaya çıxan və qaraciyər transplantasiyası tələb edən ağır hepatit hallarının görülməsi son dərəcə qeyri-adidir.
Mütəxəssislərin qorxulu açıqlamaları ölkələrdə “yeni qlobal epidemiya” qorxusuna səbəb olarkən, ÜST bəzi hepatitlərdə Kovid-19-un aşkar edildiyini, lakin hepatit hadisələri ilə əlaqəni aydınlaşdırmaq üçün halların genetik xarakteristikaya getməli olduğunu vurğulayıb.
Səhiyyə mütəxəssisləri çirklənmənin qarşısını almaq üçün gigiyena qaydalarına, xüsusilə əllərin yuyulmasına diqqət etməyi, simptomlar müşahidə edildikdə və xəstəliklə bağlı narahatlıq yarandıqda həkimə müraciət etməyi tövsiyə edir.
