Bu gün Birləşmiş Ərəb Əmirliklərində (BƏƏ) ilk sərnişin qatarı sınaq hərəkəti edib. Etihad Dəmir Yolu xidmətinə aid qatar Fujayradan yola çıxaraq paytaxt Əbu-Dabiyə gəlib.
Hafta.az yazır ki, qatar ilk uğurlu sınaq hərəkəti ilə özü kimi ilk sərnişinlərini Əbu-Dabidəki Məhəmməd bin Zayed Şəhər Stansiyasına çatdırıb. Sərnişinlər tarixi ilk səyahətdə iştirakdan qürur duyduqlarını ifadə edərək, qatarın sürət, rahatlıq və etibarlılığı özündə birləşdirən müasir səyahət təcrübəsindən söz açıblar.
Bildirilir ki, sərnişin daşıma xidmətləri 30 sentyabrdan etibarən Əbu-Dabi, Dubay, Əl-Daid və Fujayranı birləşdirməklə genişlənəcək. Dəmir yolunun dekabrda Əl-Dafra bölgəsindəki stansiyalara, 2027-ci ilin martında isə Şarjaya qədər uzanacağı deyilir.
Xatırladaq ki, sınaq əməliyyatı BƏƏ-nin milli dəmir yolu şəbəkəsi üçün yeni mərhələnin başlanğıcını qeyd edir.
