Bu gün “Araz” komandası futzal üzrə UEFA Çempionlar Liqasının ilkin mərhələsində növbəti oyununa çıxıb.
Hafta.az xəbər verir ki, son ölkə çempionu F qrupundakı ikinci matçında Finlandiyanın “Kampuksen Dinamo” kollektivi ilə üz-üzə gəlib.
Latviyanın Salaspils şəhərində keçirilən və 8 qolun qeydə alındığı qarşılaşmada qalib müəyyənləşməyib.
Qeyd edək ki, Joze Alesionun baş məşqçi olduğu komanda ilk görüşdə Cəbəllütariqin “Europa” klubunu 9:2 hesabı ilə üstələyib.
UEFA Çempionlar Liqası
İlkin mərhələ, F qrupu
Kampuksen Dinamo – Araz 4:4
Qollar: M.Basilio, 12:15; 29:56. İntala, 12:40. Korsunov, 21:37 – X.Bağırov, 06:21. E.Rodriqes, 07:22. P.Q.Dos Santos, 15:49. A.Şocaei, 33:00.
Hakimlər: Drazen Vukçeviç (Monteneqro), Dario Pezzuto (İtaliya), Daniele Dadamo (San Marino).
Salaspils şəhəri. İdman Kompleksi.
