Üç ildir Rusiya avtomobil bazarında sürətlə böyüyən Çin avtomobil markaları 2025-ci ilin ilk rübündə çətin dövrə qədəm qoyub. Avtomobil satışları keçən illə müqayisədə yüzdə 25 azalıb, təkcə ilk üç ayda 213 Çin diler mağazası bağlanıb. Mütəxəssislərin fikrincə, tələbin azalması, kredit xərclərinin artması və dilerlərin maliyyə problemləri daha az tanınan brendlərin bazardan geri çəkilməsinə səbəb ola bilər. Geely, Exeed, Kaiyi, SWM və Dongfeng kimi brendlər risk altında hesab olunur. 2025-ci ilin sonuna qədər bağlanan dilerlərin sayının 4 mindən aşağı düşəcəyi gözlənilir.
Hafta.az-ın yazdığına görə, mütəxəssislər bazarda 50-dən çox Çin brendinin mövcudluğunu rəqabəti dayanıqsız edir. Ayda 50-dən az avtomobil satan dilerlər pul itirərkən, ildə 5 mindən az avtomobil satan markalar üçün geriçəkilmə riski əhəmiyyətli dərəcədə artıb. Xüsusilə Kaiyi, Foton, Livan kimi markalar yaxın aylarda bazardan tamamilə çəkilə bilər. Bəzi dilerlər artıq bu brendlərlə əməkdaşlığa son qoyublar.
“Kommersant” yazır ki, Çin istehsalçılarının Rusiyada olması onların imici üçün vacib olsa da, satış həcmi əksər brendlər üçün böyük gəlir gətirmir. Ekspertlərin fikrincə, Rusiya xüsusilə köhnə avtomobil parkı və inkişaf potensialına görə Çin istehsalçılarının qlobal genişlənmə strategiyasında mühüm yer tutur. 2024-cü ildə Çinin ən böyük ixrac bazarı olan Rusiyanın bu mövqeyi bir müddət daha qoruyacağı gözlənilir.
Həmçinin vurğulanır ki, Çin brendlərinin əksəriyyəti hələ də öz zəmanət öhdəliklərini yerinə yetirir, lakin diler şəbəkəsi kiçilsə, onların davamlılığı risk altında ola bilər. Ekspertlərin fikrincə, Çin avtomobilləri hələ də cəlbedici görünsə də, alıcılar bazardakı prosesləri yaxından izləməlidirlər.
