Ötən ilin yekunları əsasında dünyanın ən bahalı və ən ucuz şəhərlərinin siyahısı yayımlanıb.
Hafta.az-ın yazdığına görə, məsələn, 2024-cü ilin yanvarında siyahıda 267-ci yerdə olan İstanbul sürətlə yüksələyib Moskvanı xeyli üstələyərək 188-ci yerdə qərarlaşıb. Yəni kirayəhaqqı istisna olmaqla digər xərclər müqayisə edildikdə, İstanbul Moskvadan 19,1 faiz bahadır.
Bu sıralama ərzaq, restoran, nəqliyyat və kommunal xidmətlərin qiymətlərinə əsaslanır, lakin kirayə və ya ipoteka kimi mənzil xərclərini əhatə etmir.
Yaşayış minimumu indeksində ilk üç yeri İsveçrənin Sürix, Lozanna və Cenevrə şəhərləri tutur. Dördüncü yerdə Nyu-York, beşinci və altıncı yerdə isə yenə də İsveçrədən Bazel və Bern şəhərləri qərarlaşıb. Moskvanın yaxın rəqibləri arasında Cənubi Afrika Respublikasının Keyptaun və Pretoriya şəhərləri olduğu halda, Rusiyanın paytaxtını az fərqlə Nayrobi və Azərbaycanın paytaxtı Bakı şəhəri izləyir.
Siyahıda İstanbul 188-ci, Ankara 261-ci, Antalya isə 217-ci pillədə qərarlaşıb.
Numbeo-nun 2025 Yaşayış Qiyməti İndeksinə görə, dünyanın ən bahalı və ucuz şəhərləri aşağıdakılardır:
Ən bahalı 10 şəhər:
1. Sürix (İsveçrə), 2. Lozanna (İsveçrə), 3. Cenevrə (İsveçrə), 4. Bazel (İsveçrə), 5. Bern (İsveçrə), 6. Reykyavik (İslandiya), 7. London (Böyük Britaniya), 8. Trondheym (Norveç), 9. Oslo (Norveç), 10. Bergen (Norveç).
Ən ucuz 10 şəhər:
1. Perm (Rusiya), 2. Rostov-na-Don (Rusiya), 3. Ufa (Rusiya), 4. Kalininqrad (Rusiya), 5. Novosibirsk (Rusiya), 6. Krasnodar (Rusiya), 7. Kazan (Rusiya), 8. Nijni Novqorod (Rusiya), 9. Yekaterinburq (Rusiya), 10. Xarkov (Ukrayna).
Numbeo dünya üzrə şəhər və ölkələr üçün yaşayış dəyəri, təhlükəsizlik, səhiyyə, nəqliyyat, çirklənmə və digər həyat keyfiyyət göstəricilərini müqayisə etmək üçün onlayn məlumat bazasıdır. 2009-cu ildə qurulan platforma istifadəçilər tərəfindən təqdim olunan məlumatlardan istifadə etməklə müntəzəm olaraq yenilənən statistik məlumatlar təqdim edir. Numbeo istehlak qiymətləri, kirayələr, restoran qiymətləri və nəqliyyat kimi kateqoriyalar üzrə ətraflı məlumat təqdim edərək, fərdlərə və tədqiqatçılara qlobal şəhərlər arasında müqayisələr aparmağa imkan verir. O, dünya şəhərləri haqqında real istifadəçi təcrübələrinə əsaslanan obyektiv və şəffaf mənbə hesab olunur.
