Futzalçılarımız bu gün Avropa çempionatında ilk matçına çıxır

11:35 22.01.2022 Müəllif:Hafta.az
Yazını böyüt
Yazını kiçilt

Bu gün Niderlandda keçirilən futzal üzrə Avropa çempionatı çərçivəsində Azərbaycan milli komandası ilk matçına çıxacaq.

Hafta.az-ın məlumatına görə, Azərbaycan D qrupunun ilk turunda Gürcüstanla qarşılaşacaq. Matç Bakı vaxtı ilə saat 17:30-da başlayacaq.

Qrupun digər matçında İspaniya Bosniya və Herseqovina ilə üz-üzə gələcək.

Qeyd edək ki, qrupda ilk iki yeri tutan komandalar dörddəbir final mərhələsinə çıxacaq.

Futzal üzrə Avropa çempionatı yanvarın 19-dan fevralın 6-dək Niderlandın Amsterdam və Qroningen şəhərlərində keçirilir.

Oxunma sayı 26