Yazını böyüt
Yazını kiçilt
"Ruslar çox güman ki, İslam İnqilabı Keşikçiləri Korpusu ilə əlaqəli iranlı hərbçiləri Rusiya hərbçilərinə "Şahed-136" pilotsuz uçan aparatlarından istifadə qaydalarını öyrətmək üçün Ukraynanın işğal olunmuş ərazilərinə göndəriblər".
Hafta.az-ın yazdığına görə, bu barədə Amerika Müharibənin Tədqiqi İnstitutu - ISW məlumat yayıb. ISW Milli Müqavimət Mərkəzi bildirib ki, ruslar Rusiya qoşunlarına hücum dronlarından istifadə üzrə təlim keçmək üçün Krımdakı Cankoy, Jeleznı limanı və Xerson vilayətinin Qladovtsı şəhərlərinə qeyri-müəyyən sayda iranlı təlimatçı gətirib. Məlumata əsasən, iranlı təlimatçılar Ukraynada, o cümlədən Nikolayev və Odessa vilayətlərində mülki obyektlərdə “Şahed-136”nın buraxılmasına birbaşa nəzarət edirlər.
İnqilab Keşikçiləri Korpusunun İran pilotsuz təyyarələrinin əsas operatoru olduğu güman edilir. Ona görə də iranlı təlimatçılar SEPAH-ın əməkdaşları və ya onunla əlaqəli şəxslər ola bilər.
Bu arada, ISW mütəxəssisləri "Şahed-136"ların müharibənin gedişatına təsir etməyəcəyi qənaətindədirlər. Çünki ruslar bu aparatlardan Ukrayna şəhərlərində dinc insanları qətlə yetirmək üçün terror hücumunda istifadə etsələr də, artıq Ukrayna ordusu onların qarşısını almaqda çətinlik çəkmir.
