Yazını böyüt
Yazını kiçilt
Rusiyanın Tver vilayəti və Stavropol diyarındakı obyektlərə edilən dron hücumları yanğınlara səbəb olub.
Hafta.az xəbər verir ki, Tver vilayətinin qubernatoru vəzifəsini icra edən Vitali Korolyovun sözlərinə görə, dron hücumundan sonra neft anbarındakı saxlama çənlərindən birində yanğın baş verib. Hadisə yerinə təcili yardım briqadası yerləşdirilib.
Bundan əlavə, Stavropol diyarına dron hücumu Vyazniki kəndindəki obyektdə yanğına səbəb olub. Yerli hakimiyyət orqanlarının məlumatına görə, səhər saatlarına qədər yanğın genişlənib və hadisə yerinə əlavə yanğınsöndürmə briqadaları göndərilib. Yaxınlıqdakı küçənin sakinləri təxliyə edilib.
