Vladimir Zelenski, Donald Tramp və Vladimir Putin arasında üçtərəfli görüş Roma və ya Cenevrədə baş tuta bilər. Danışıqların keçiriləcəyi məkanla bağlı hər bir tərəfin öz prioritetləri var.
Hafta.az "Fokus" nəşrinə istinadla xəbər verir ki, "Sky News"-un məlumatına görə, Tramp və Zelenski görüşün Romada keçirilməsinin tərəfdarıdır, Rusiya tərəfi isə Cenevrəyə üstünlük verir.
Fransa prezidenti Emmanuel Makron “neytral ölkə” seçilməsinin zəruriliyini qeyd edib və qeyd edib ki, bu, İsveçrə və ya başqa dövlət ola bilər və o, özü də Cenevrənin tərəfdarıdır.
İtaliyanın xarici işlər naziri Antonio Tayani də Cenevrəni dəstəkləyir və əlavə edir ki, İtaliya bu variantla əməkdaşlığa hazırdır.
Aİ diplomatları yekun qərarın hələ verilmədiyini və görüşün bir neçə mümkün yerinin hələ də qiymətləndirildiyini bildirir. Eyni zamanda, Roma həm ABŞ dövlət katibi Marko Rubio, həm də vitse-prezident J.D.Vansın dəstəyi ilə Tramp və Zelenski üçün prioritet olaraq qalır.
