Britaniya Ukraynaya daha çox uzaqmənzilli silahlar verməyi təklif edəcək

Böyük Britaniya Ukraynaya daha çox uzaqmənzilli silahlar verməyi təklif edəcək. Bunu Böyük Britaniyanın baş naziri Rişi Sunak fevralın 8-də Ukrayna prezidenti Vladimir Zelenskinin Londona səfəri zamanı açıqlamaq niyyətindədir.

"Baş nazir, həmçinin Ukraynaya daha çox uzaqmənzilli imkanlar təqdim etməyi təklif edəcək", - Böyük Britaniya Baş Nazirinin ofisinin bəyanatında deyilir.

O, həmçinin qeyd edir ki, bu addımın məqsədləri Rusiyanın Ukrayna hədəflərinə zərbə endirmək qabiliyyətini pozmaq və “Ukrayna cəbhələrində” təzyiqi azaltmağa kömək etməkdir.

Böyük Britaniyanın Ukraynaya hansı silahları tədarük etmək niyyətində olduğu açıqlanmır.