Mövcud inkişaf meylləri davam edərsə, dünya əhalisi 2050-ci ildə 8,6 milyarda çata və 2100-cü ilə qədər 7 milyarda düşə bilər. Bazar ertəsi, martın 27-də Britaniyanın “New Scientist” jurnalı məlumat yayıb. O, “Roma Klubu” beynəlxalq ictimai təşkilatının təşəbbüsü çərçivəsində hazırlanmış Earth4All modelinə istinad edib.
Eyni zamanda, 2100-cü ilə qədər təxmin edilən rəqəm digər proqnozlarla müqayisədə 2-3 milyard azdır.
Mütəxəssislər hesab edirlər ki, hakimiyyət yoxsulluğun və bərabərsizliyin azaldılmasına sərmayə qoysa, 2040-cı ildə 8,5 milyard pik həddə çatacaq, əsrin sonunda isə 6 milyarda qədər azalmaya nail olunacaq.
Earth4All hesabatının müəlliflərindən biri Beniamino Kallegari, "Rəqəmlər əvvəllər düşündüyü kimi qorxulu olmasa belə, bu, bizim problemimiz olmadığı anlamına gəlmir" deyib.
