Milyarder xeyriyyəçi Bill Qeyts Cənubi Hindistanın bərpa olunan enerji sahəsində liderliyini tərifləyərək bu Cənubi Asiya ölkəsini iqlim dəyişikliyi ilə mübarizədə əsas rol oynamağa çağırıb.
Hafta.az-ın yazığına görə, “The Indian Express” qəzetinin təşkil etdiyi 5-ci Ramnath Goenka tədbirində çıxış edən Qeyts iqlim böhranı ilə bağlı narahatlığını ifadə edib və problemin həlli üçün elmi yeniliklərə çağırıb.
İqlim texnologiyalarına 2 milyard dollardan çox sərmayə qoyan milyarder bildirib ki, bu sahədə böhranla mübarizə zamanı həm ucuz, həm də etibarlı həllər tapmaq böyük problemdir. "Çətinlik yalnız ucuz deyil, həm də etibarlı həllər tapmaqda böyükdür. Mən bu çağırışları həyəcanverici hesab edirəm. Düşünürəm ki, əgər biz gəncləri bir araya gətirə bilsək və onlara bu çağırış haqqında danışa, eləcə də kapital toplaya bilsək, innovasiyalar üçün hər zaman şans var. Düşünürəm ki, o zaman innovasiyalar insanlığı irəli apara bilər", - milyarder deyib.
Əhalisinin yarısı 25 yaşın altında olan Hindistanın iqlim böhranı ilə mübarizədə əsas rol oynaya biləcəyini deyən Qeyts gəncləri həll yolu tapma prosesində iştirak etməyə çağırıb. "Bizə dünyanın hər yerindən innovasiya lazımdır, lakin biz xüsusilə Hindistandan daha çox şey gözləyirik. Sizin 700 milyon gənciniz, təhsil müəssisələriniz var və onlar daha da güclənir. Buna görə də, bütün dünyadan innovasiyalara ehtiyacımız var, lakin xüsusilə Hindistandan daha çox şey gözləyirik. Biz Hindistandan bu yeniliklərin əhəmiyyətli hissəsinin dünyanın böyük çağırışlarına cavab verməsini arzulayırıq. Hindistan bütün növ innovativ təcrübələri nümayiş etdirməkdə liderdir", - o, deyib.
Adambaşına düşən tullantıların miqdarı inkişaf etmiş ölkələrdən xeyli aşağı olsa da, Hindistan bərpa olunan enerji sahəsində sürətli irəliləyiş əldə edib və 2070-ci ilə qədər çirklənməyə verdiyi “töhfəni” sıfıra endirməyi hədəfləyir.
Bill və Melinda Gates Fondunun həmsədri və müvəkkili vurğulayıb ki, istiləşməyə töhfə verən emissiyaların çoxu zəngin ölkələrdən gəlsə də, zərərin böyük hissəsi orta və aşağı gəlirli ölkələrə dəyəcək.
