NASA Araşdırma Mərkəzinin tədqiqatçıları Yer atmosferinin yuxarı qatının karbon qazı səbəbindən batdığını aşkar ediblər. Alimlər bu fenomenin Yerə yaxın kosmosa təsir edəcəyinə inanırlar. Araşdırmanın nəticələri Geophysical Research Letters jurnalında dərc olunub.
Hesabatda deyilir ki, peyk vasitəsilə temperatur, geopotensial hündürlük və qalınlığın ölçülməsi mezosferin və aşağı termosferin soyumasını, sıxılmasını göstərir.
Materialda izah edildiyi kimi, karbon qazı planetin səthinə nə qədər yaxın olsa, atmosferdə bir o qədər ciddi temperatur artımına səbəb olacaq. Eyni zamanda, atmosferin ən kənar təbəqələrindən başlayaraq - mezosferdə və aşağı termosferdə (60 km-dən başlayan MLT) - karbon qazı bu sahələri soyudur, bu da onların sıxılmasına səbəb olur.
Bundan başqa, tədqiqatçılar mezosferin ən yüksək nöqtəsi və aşağı termosferin 1,7 dərəcə Selsi soyuduğunu qeyd ediblər. Alimlər deyirlər ki, MLT-nin soyuması və kiçilməsi yüksək hündürlüklərdə kosmik tullantıların uzunömürlülüyünü artıracaq, Beynəlxalq Kosmik Stansiya və Yer orbitindəki digər obyektlər üçün risklər yaradacaq.
