ABŞ Qida və Dərman İdarəsi yetkinlərdə miqren ağrısını tez bir zamanda aradan qaldırdığı sübut edilmiş yeni burun spreyini təsdiqləyib.
Hafta.az-ın yazdığına görə, ABŞ-ın əczaçılıq nəhəngi "Pfizer" tərəfindən hazırlanan "Zavzpret" dərmanının 2023-cü ilin iyul ayında apteklərdə satışa çıxacağı gözlənilir.
Əczaçılıq şirkətinin baş kommersiya direktoru Angela Hvang bildirib ki, "Zavzpret" FDA-nın təsdiqi ağrıları aradan qaldırmağa ehtiyacı olan və oral dərmanlara alternativ seçimlərə üstünlük verən miqren xəstələri üçün əhəmiyyətli bir irəliləyişdir.
Dərmanın klinik sınaqlarında onun bəzi miqren xəstələrinin ağrılarını və digər narahatedici simptomlarını 15 dəqiqə kimi qısa müddətdə aradan qaldıra bildiyi görülüb. Ağrıdan başqa, migren simptomlarına işığa həssaslıq və ürəkbulanma daxildir.
Hazırda miqrenləri müalicə etmək üçün istifadə olunan bir neçə növ burun spreyi və bir sıra müxtəlif növ dərmanlar var. Digər tərəfdən "Zavzpret", beyində ifraz olunan və iltihaba kömək edən bir protein olan kalsitonin geni ilə əlaqəli olan CGRP adlı bir peptidi bloklayaraq işləyir. Spreyin bu cür ilk dərman olduğu bildirilir.
Digər tərəfdən, CGRP-ni bloklamaq üçün hazırlanmış bir neçə oral həb var. Bununla belə, o, bildirir ki, miqrenli bir çox insan şiddətli ürəkbulanma keçirir və udmaq məcburiyyətində qaldıqları dərmanlara dözə bilmir.
“The Lancet Neurology” jurnalında dərc edilən təcrübənin nəticələrinə görə, 10 milliqramlıq bir dozada "Zavzpret" qəbul edən təxminən 24 nəfərin simptomları təxminən iki saat ərzində aradan qalxıb.
Yeni İngiltərə Nevrologiya və Baş Ağrısı İnstitutunun tibb direktorunun müavini Kathlin Mullin, dərmanı dərmanların sürətli udulması ilə bir burun spreyi olaraq təsvir edib.
"Zavzpret" ağrıları aradan qaldırmağa ehtiyacı olan, yaxud da ürəkbulanma və ya qusma səbəbiylə ağızdan dərman qəbul edə bilməyən insanlar üçün alternativ müalicə variantını təklif edir", - Mullin deyib.
"Pfizer" ötən il "Zavzpret" dərmanını "Biohaven" əczaçılıq şirkətindən şirkətin digər miqren müalicəsi ilə birlikdə təxminən 10 milyard dollara alıb. Miqrenlərin bütün dünyada insanların yüzdə 10-dan çoxunu təsir etdiyi düşünülür. Qadınlarda kişilərə nisbətən təxminən üç dəfə daha çox rast gəlinir.
Adətən baş nahiyəsində saatlarla və ya günlərlə davam edə bilən ağrılara səbəb olan miqren, işığa və səsə qarşı həssaslıq, ürəkbulanma, qusma və ya görmə pozğunluqlarına da səbəb ola bilər.
