Ümumdünya Səhiyyə Təşkilatı (ÜST) dünən Konqo Demokratik Respublikasında sentyabrın əvvəlində başlayan Ebola epidemiyasının təsdiqlənmiş 64 hadisədən 42-nin ölümlə nəticələndiyini və regional yayılma riskinin orta səviyyədə qaldığını açıqlayıb.
Hafta.az-ın yazdığına görə, bu yaxınlarda hazırlanmış peyvəndlərə və müalicələrə baxmayaraq, Ebola virusu çox yoluxucudur və əksərən ölümcül olur. Son 50 ildə Afrikada təxminən 15 min insanı öldürüb.
Ölkə 2018 və 2020-ci illər arasında ən pis epidemiyasını yaşayıb, təsdiqlənmiş 3500 hadisədən təxminən 2300-ü ölüb.
Konqo Demokratik Respublikasının səlahiyyətliləri mərkəzi Kasay bölgəsində virusun yenidən canlandığını aşkarladıqdan sonra sentyabrın ortalarında peyvənd kampaniyasına başladığını elan edib. X platformasında yayımlanan mesajda ÜST-nin baş direktoru Tedros Adhanom Qebreyesus, “Təsdiqlənmiş halların sayı 64-ə çatıb, 42-si ölüb” deyib.
Agentlik Kasayda baş verən epidemiyanın qarşısını almağa yönəlmiş cavab planını açıqlayıb. Plana görə, epidemiya riski ölkə üzrə “yüksək”, qonşu ölkələrdə orta, qlobal miqyasda isə aşağı səviyyədədir.
ÜST hazırkı dalğada ölüm nisbətini 45,7 faiz səviyyəsində qiymətləndirib, əvvəlki dalğalarda isə bu göstərici 25-90 faiz arasında dəyişirdi.
Yeni epidemiya virusun altı məlum ştamından biri olan Zaire ştammından qaynaqlanır, onlardan üçü böyük epidemiyalara səbəb olur (Bundibugyo, Sudan və Zaire).
Ümumdünya Səhiyyə Təşkilatının məlumatına görə, Peyvəndin Təchizatı üzrə Beynəlxalq Koordinasiya Qrupu Konqo Demokratik Respublikasına təxminən 45 min əlavə vaksin dozası göndərməyə razılaşıb.
Ebola ilk dəfə 1976-cı ildə əvvəllər Konqo Demokratik Respublikası kimi tanınan Zairdə aşkar edilib. Virus bədən mayeləri vasitəsilə ötürülür və 2 - 21 gün arasında davam edən inkubasiya dövründən sonra qızdırma, qusma, qanaxma və ishal kimi əlamətlər göründükdən sonra yoluxmuş şəxs yoluxucu olur.
-1780681336.jpg&h=173&w=263&zc=1&q=80)
