Tovuz rayonunda baş verən yol qəzasında xəsarət alan şəxslərdən 5-i evə buraxılıb.
Hadisə nəticəsində 7 nəfər müxtəlif dərəcəli bədən xəsarətləri ilə Tovuz rayon Mərkəzi Xəstəxanasına yerləşdirilsə də, onlardan 5-i evə buraxılıb.
Yaralanan 7 nəfərdən 6-sı Şəmkir sakinidir. Hadisə nəticəsində xəsarət alan 1989-cu il təvəllüdlü Sadiqova Nuranə Vaqif qızı, 2006-cı il təvəllüdlü Müstafayeva Nərminə Bəhman qızı, 2015-ci il təvəllüdlü Nərimanov Bayram Elşad oğlu, 1963-cü il təvəllüdlü Nərimanova Bəsti Salam qızı və 1977-ci il təvəllüdlü Mustafayevə Aynurə Vidadi qızına ilkin tibbi yardım göstəriləndən sonra evə buraxılıblar.
Hadisə nəticəsində ağır xəsarət alan 1984-cü il təvəllüdlü Sadiqov İxtiyar Vidadi oğlu və 1954-cü il təvəllüdlü Tovuz rayon sakini İsgəndərov İsgəndər Fərman oğlu isə xəstəxanada müalicə olunur.
Xatırladaq ki, bu gün səhər saatlarında Tovuz rayonunda "Niva" və "VAZ 2107" markalı avtomobillər toqquşub.
