Şimali Kipr Türk Cümhuriyyətində (KKTC) iki qıza cinsi istismarda ittiham olunan 64 yaşlı kişi Cənubi Kiprə qaçdı. 15 və 12 yaşlı qızlar ifadələrində analarının pozğun sevgilisi, Britaniya vətəndaşı, onlardan başqa ən azı daha üç qıza cinsi istismar etdiyini bildiriblər. Hadisə Kiprdə geniş narazılığa səbəb olub.
Hafta.az yazır ki, KKTC-nin Girnə şəhərində yaşayan Britaniya vətəndaşı olan ana, Türk və Yunan Kipr qadın təşkilatlarının dəstəyi ilə Cənubi Kipr polisinə şikayət ərizəsi ilə müraciət edib. Uşaqların ifadələri Sosial Xidmətlər Departamentinin rəsmilərinin iştirakı ilə alınıb və adanın hər iki tərəfində şübhəli üçün həbs qərarı verilib.
Hadisə 12 yaşlı qızın başına gələnləri 15 yaşlı bacısına danışması ilə üzə çıxıb. Həmin vaxt evdə olmayan ana, böyük bacısının eyni şəxs tərəfindən də eyni şəkildə zorakılığa məruz qaldığını iddia etməsindən sonra geri çağırılıb. Ana B.N. dərhal polisə müraciət edərək şikayət ərizəsi yazıb. Ana B.N. verdiyi açıqlamada deyib: "Mən bu mübarizəni Cənubdakı və Şimaldakı bütün qızlar üçün və bunu etməyə cəsarət etməyən hər kəs üçün aparacağam".
15 yaşlı qız N.B.-nin təkcə ona və bacısına deyil, həm də ən azı üç qıza zorakılıq etdiyini deyib. Bəyanatda həmçinin iddia edilir ki, şübhəli Cənubi Kiprə qaçarkən digər bacının pasportunu özü ilə aparıb və onun tutulması üçün ictimaiyyətdən dəstək istəyib.
KKTC və Yunan Kipri polisi tərəfindən aparılan istintaq davam edir.
